الأهلي نيوز : أبرز عيوب لاسارتي وسر تواضع مستوي الأهلي في أفريقيا
الأهلي نيوز : مارتن لاسارتي مع الأهلي طول الوقت بيشتغل على الأهلي وبس كل
المباريات اللي كان لنا السيطرة فيها بحكم ان الخصم رد فعل بس قدرنا نكسب فيها
بشكل جيد جدا انما بمجرد ما يبقى قدامك فريق محتاج انت كمان تشتغل عليه هتلاقي
الاهلي فقد نقاط ومقدرش يكسب. ليه ضيعت نقاط قدام ليه خسرت ماتشين من بيراميدز
واتعادلت مع الاسماعيلي والزمالك ولما كسبت الزمالك كان عندك اخطاء كتير لان كل الفرق دى كنت محتاج تشتغل عليهم ودة محصلش
الأهلي نيوز : لاسارتي لا يدرس المنافس في أفريقيا
الأهلي نيوز : طيب ليه في افريقيا لاسارتي اللي كسب سيمبا هنا ٥ راح خسر هناك ١ / ٠
وليه اتعادلنا مع شبيبه الساوره هناك وليه خسرنا من فيتا في الكونغو وليه خسرنا
بالشكل دة من صنداونز في جنوب افريقيا لان ورا كل دة عامل مشترك واحد وهو ان فرق
افريقيا خارج الارض مبتكونش رد فعل و لاسارتي اسوء مستوياته لما يبقى رد فعل بيكون تفكيره بطئ جدا ومحدود جدا في فكرة قلب الطاولة
الأهلي نيوز : على فكرة كان في مباريات الأهلي افضل فنيا وخسرنا نقاط بس في كل
مرة كان لاسارتي مشارك في دة لانه مكنش بيقدر يترجم انه افضل لفاعلية هو عارف انه افضل بس ازاي اكسب لاني افضل مكنش عنده الخطوة دى.
الأهلي نيوز : أخطاء لاسارتي المتكررة
الأهلي نيوز : مشكلة كبيرة جدا ان لاسارتي مبيتعلمش من الاخطاء اوعى تاخد فكرة
تكرار تبديل المراكز بين الشحان ورمضان بدون اي مرة استفدنا منها دة مش مؤشر . اي
واحد بيشتغل في التحليل كان من المعسكر وماتش البلاستيك هيقولك ان كل الارقام
والشواهد بتقول ان صالح لازم يبدا تحت المهاجم مش وليد ومع ذلك لاسارتي لعب وليد
قدام المقاولين طيب لما نزل صالح اثبت للاسارتي ان دة كان غلط فكررها قدام الزمالك.
كمان التغيير في التأخير في تغييرات المدرب لو محسمهاش بين الشوطين يبقى
مستحيل يكون كان مركز في المباراة لاسارتي للاسف بيخسر وقت كتير لحد ما يختار التصرف الأنسب.