الأهلي نيوز : قصة حسام حسن مع الأهلي ومتي تحول الحب لعداء

الأهلي نيوز  : تاريخ حسام وابراهيم مع الأهلي كلاعبين لا يمكن أبدا ان يتم انكاره لحظات راسخة  لكن هناك لحظات فارقة فى تحول شكل العلاقة مع جماهير الأهلي : 1- رحيل التوأم : القصة دي حمالة أوجه ولها وجهات نظر على فكرة كل جانب رأيه فيها له جزء من الموضوعية. التوأم شايفين ان بحكم تاريخهم كانوا يستحقوا خروج أفضل من كدة وتمسك بيهم بشكل أكبر.

الأهلي نيوز : لا يمكن أنكار تاريخ التوأم في الأهلي

الأهلي نيوز : بالعودة لخلفيات الموضوع تسوبيل كان مدرب سيكوباتي جدا وشخصيته كان فيه مشاكل كبيرة جدا والعلاقة بينه وبين حسام حسن كانت اخدت منحنى صعب واستبعاد احيانا ويروح حسام وابراهيم يتدربوا فى نادي الشمس وتصريحات وتوتر داخل الفريق وفي نفس اللحظة كان عندك علاء ابراهيم اللى بيسجل حوالي 10 اهداف فى موسم 99-2000 وكان عندك محمد فاروق صاعد ومتألق دة غير على ماهر والاتفاق مع خالد بيبو للانضمام الموسم الجديد يعني 4 مهاجمين حط فى اعتبارك الخلفية بتاعة المشهد انت بطل الدوري من 94 ل 2000 يعني 7 مواسم يعني من الأخر شايف الفريق مش هيقف على حد .

الأهلي نيوز : والتوأم وقتها 34 سنة وحسام لن يرتضي ابدا وضعه دة وهيعمل مشاكل كتير ودة فعلا كلام كان لا يقبل الشك. حسام قال انه هيروح تركيا وقادر يكمل وفعلا كابتن ثابت قاله شوف مصلحتك دة حقك. لحد هنا انا بصراحة مش شايف فى مشكلة كل حد شاف الصورة من زاوية اللى هنفضل نتناقش فيها وهيفضل الرأي نسبي ومحدش على صواب مطلق او خطأ مطلق.

الأهلي نيوز : تحول العلاقة بين التوأم وجماهير الأهلي

الأهلي نيوز : 2-التوأم فى الزمالك كلاعبين :  فقدت رمزيتك فى الأهلي وكانت النقطة هتقف لحد كدة. نيجي بقى لنقطة التحول الجمهور شتائم الجمهور شئ بيحصل فى كل ملاعب العالم. ولكن الرد كان رفع الجزم فى وش الجمهور وتصريحات ان الجمهور اللى هيشتم هيتضرب بالجزمة وحديث بشكل مسئ عن صالح سليم وانهم عملوا للأهلي تاريخ من البطولات أكبر منه. طبعا قد تبدو المعلومة رقميا صحيحة انما سياق الكلام فى اجواء التصريحات مع عبارات زي ( بطولات اكتر من صالح صالح سليم اللى مات ) حط بقى قى اعتبارك يعني ايه صالح سليم الأب الروحي يكون ميت فى 6 مايو 2002 والتصريح دة بيتقال فى 16 مايو 2002 يعني 10 ايام !!!! . دة غير صيغة ( جبنالهم بطولات عمرها ما دخلت الاهلي ) فكرة معايرة الجمهور ببطولات بشكل فيه انكار لدور أي حد غيرهم اكيد تصريح يعكسلك ان حسام حسماوي قبل ما يكون اهلاوي او زمالكاوي او اي شئ ودة هنفهمه بعد كدة.

الأهلي نيوز : حسام شكك في بطولات الأهلي

الأهلي نيوز : 3- التوأم كمدربين للزمالك : لو البعض لقى مبرر للي قاله حسام وابراهيم وهما لاعبين فى يوجد أي مبرر لانه هدم فى ثوابت النادي وعلى لسان ناس انتمت له فكلامهم أخطر من اي حد بينتمي لنادي تاني. فى فترة تدريب الزمالك حسام وابراهيم قالوا فى حق الأهلي كل شئ سئ تتخيله وميختلفش عن كلام اشد الزمالكاوية كراهية للأهلي.

-الكلام عن ان الأهلي بياخد البطولات بالحكام
– الكلام عن ان الاهلي بيكسب بالسحر وتصريحات بدة و رد الجمهور بدخلة شهيرة
-الاساءة لحسن حمدي والكلام عن وكالة الاهرام ومجاملاتها للأهلي (نفس كلام أي زمالكاوي)
-اشارات مسيئة للجمهور من أرض الملعب
-تصريحات ومهاجمة الأهلي فى كل القنوات
-محاولة الاعتداء على جوزية في الملعب

الأهلي نيوز : التوأم هما تاريخيا أكثر ثنائي مصري بعد رئيس الزمالك الحالي تشكيكا في الاهلي وبطولاته. وفي النهاية هما حقهم يقولوا اللى هما شايفينه صح بس انا بكررها دايما انا مشجع فبشوف الموضوع مش من وجهة نظر الطرف التاني ولا وجهة نظر محايدة انما من وجهة نظر النادى اللي انا بنتمي له.

Mohamed Fares Ibrahim Taman
اترك تعليق

لن يتم نشر عنوان بريدك الإلكتروني

تعليق 1
  1. الجمهور يقول

    جماهير الهلى لن تنسى لحسام وابراهيم المجهود الذى بذلوه وكانت بتسعد بهم وهم خارج النادى واتجه البعض لتشجيعهم وهم فى الزريبة حبا فيهم ولكن عندما أخطأوا مرة واثنين وثلاثة وهاجموا الرموز صالح سليم كان لسه متوفى والخطيب وحسن حمدى وشككوا فى بطولات النادى وهم موجودين وهاجموا الجماهير ورفع أحذيتهم فى وجه الجماهير اللى عملتهم كانت نقطة التحول من الحب الأسطورى الى الفوقان ومعرفة العدو من الحبيب وفات الميعاد

Ads Blocker Image Powered by Code Help Pro

تم اكتشاف مانع الإعلانات !!!

لقد اكتشفنا أنك تستخدم ملحقات لمنع الإعلانات. يرجى دعمنا عن طريق تعطيل مانع الإعلانات.

Powered By
Best Wordpress Adblock Detecting Plugin | CHP Adblock