الأهلي نيوز : الخلاصة في أزمة الأهلي مع أحمد فتحي ودور الجمهور

الأهلي نيوز : العلاقة المحددة من جانب اللاعب في التعامل مع الإدارة هي اللي تحدد إطار التفاوض وطريقته وكل ما يخص شأن التجديد. عايز تتعامل بلغة الإحتراف ده حقك، عايز إرتباطك بالأهلي يتم تقديره ماديا فقط ده بردو حقك لكن ف نفس الوقت من حق الإدارة بردو تتمسك بالحق ده وتتعامل مع فتحي ووكيله بالطريقة اللي إختارها الثنائي وشايفين إنها مناسبة للتفاوض

الأهلي نيوز : الأهلي من صنع تاريخ فتحي

الأهلي نيوز : كل لاعب في الأهلي مهما كان إسمه كبير وعنده تاريخ في الأهلي ، الأهلي ف الأساس هو اللي صنع هذا التاريخ  نفس اللعيبة بنفس إمكانياتهم ومجهودهم مقدروش يحققوا شئ ف أماكن تانية. لحظة إرتباطهم بالأهلي كانت هي بداية تحقيق البطولات وإضافة الشهرة والنجومية لإسمهم محدش ليه خير ع الأهلي..الأهلي خيره ع الكل وكل لاعب حر ف إختيار الطريقة اللي تحدد علاقته مع النادي وجمهوره.

الأهلي نيوز : الجمهور هو صاحب الفضل في كل شئ وجماهيرية الأهلي وشعبيته الكبيرة كانت ركن أساسي وشريك أصيل في كل نجاحات الفريق ع جميع الأصعدة. حب الجمهور شئ أقسم عليه أبو تريكة بإنه أغلي من كل أموال الدنيا. الجمهور هو عنصر اللعبة اللي بيفضل مكمل مع اللاعب لبعد خروجه وإعتزاله واللي ميفكرش ف النقطة دي وميعملش حسابها ميستحقش إمتيازها. وهنا مش مطلوب من الجمهور غير العدل، مينفعش نساوي بين لاعب بيتعامل بمبدأ الإخلاص والإنتماء للنادي كمشجع أولا قبل ما يكون لاعب ومفيش بينه وبين النادي وسيط وبين لاعب مصمم إنه ديما ف كل وقت تجديد يلخص كل علاقته وتاريخه وتقديره بشكل مادي فقط.

الأهلي نيوز : العدل هو المطلوب

الأهلي نيوز : فلو ع التقدير المادي فده أمر يخص الإدارة وشأنهم مع اللاعب يتفقوا فيه براحتهم، اما تقدير الجمهور فده شئ خاص بينا وملكنا ومعيارنا عمره ما ظلم لاعب بالعكس. حب وتقدير الجمهور يمكن ملوش صيغة ف لغة الإحتراف لكنه شئ أكبر وأغلي من أي قيمة مادية هو الشئ اللي عشانه لسه الحضري والتوأم والسعيد وكل شخص خرج من الباب الصغير للنادي الأهلي بيدور ع أي فرصة تربط إسمه بالأهلي مرة تانية. لا مطلوب مننا نجحف حق اللاعب ولا نظلم مسيرته الكبيرة حتي لو كان اختياره ع أساس المادة فقط هو اول شئ بيظلمها لكن مش مطلوب مننا غير العدل وبس.

Ahmad Haswa

اترك تعليق

لن يتم نشر عنوان بريدك الإلكتروني

Ads Blocker Image Powered by Code Help Pro

تم اكتشاف مانع الإعلانات !!!

لقد اكتشفنا أنك تستخدم ملحقات لمنع الإعلانات. يرجى دعمنا عن طريق تعطيل مانع الإعلانات.

Powered By
100% Free SEO Tools - Tool Kits PRO