أخبار الأهلي : سر رفض الأهلي إستمرار صالح وفقدان الأمل في إصلاحه

أخبار الأهلي : فقد الجميع في الأهلي الأمل في إصلاح  صالح جمعة لأن اللاعب اللي

يضيع ٥ سنين مجد من عمره مؤكد بنسبة ١٠٠% فهو إنتهى من الآن بلا رجعة،اللاعب

اللي يفشل مع ٨ مدربين ده لو مر عليه ١٨ مدرب غيرهم لن ينجح ، لائحة جزاءات نادي

كبير ٩٥% مخصصة له  اللي يروح يسهر ويسيب برنامجه التأهيلي اللي فاضله يومين

عشان يلعب فاينل دوري الأبطال اللي يفرط في حلم المشاركة في كأس العالم عشان

نزواته وسهراته

أخبار الأهلي : صالح جمعة فشل مع كل مدربي الأهلي

 

أخبار الأهلي : اللاعب الذي يفشل مع مجلسين إدارة، و٤ مدراء كرة، و٨ مدربين، وفريق

إتكون عليه ٣ و٤ مرات، وأكتر من ٢٥ بطولة بظروف مختلفة يبقى مفيش أمل منه ، اللي

يطلع يعترف على نفسه إنه مقصر من ٥ سنوات وإلى الان لسة بيقول أنا مقصر يبقى

يستحق البتر كرويا ، اللي يخرج يقدم وعود للمرة الألف بالإلتزام ويواصل نفس فلتاته يبقى

ناقض العهد وبلا كلمة ولا يؤتمن

 

أخبار الأهلي : اللي رئيس ناديه السابق في تقريره قبل الإنتخابات يوصي برحيله،

والرئيس الحالي يعيره ثم يهديه فرصة من جديد ويهدرها ، اللي يسجل في ٥ سنوات ١٣

هدف يبقى لو كمل في الملاعب ٢٠ سنة كمان مش هيكمل نصف نادي المائة حتى ،

اللي يبقى داخل على ٥ سنوات بيظبط وزنه وبينزل بطنه بسبب أكله وسهراته وتدريباته

المضحكة اللي مبينزلش نقطة عرق فيها يبقى كمان سنتين هيبقى جسمه زي إكس

لارج ، اللي موهبته يبقى مكانها بروسيا ومانشستر ويفشل في نادي متوسط بالسعودية

ويبقى دكة ثم يستغنوا عنه وتبقى العروض حاليا من إنبي وسموحة وفرق محلية يبقى كمان سنتين وهيلعب درجة تانية

 

أخبار الأهلي : لا يوجد أحد متحامل عليه ولا حد ظالمه هو أكثر من تحامل على نفسه

وأكثر من ظلم نفسه، وآن الأوان ليعاقبه الزمن على ما فعله بنفسه وعلى صيانته

لموهبته وهي الرزق من الرزاق الخالق ، اللي فات فرص وتدليل ودلع ومحاولات واللي

جاي بالعقل والمنطق والتجارب والشواهد كله تدهور وهبوط حاد وإعتزال في العشرينات

ودخول في طي النسيان

اترك تعليق

لن يتم نشر عنوان بريدك الإلكتروني

Ads Blocker Image Powered by Code Help Pro

تم اكتشاف مانع الإعلانات !!!

لقد اكتشفنا أنك تستخدم ملحقات لمنع الإعلانات. يرجى دعمنا عن طريق تعطيل مانع الإعلانات.

Powered By
100% Free SEO Tools - Tool Kits PRO