الأهلي اليوم : تجربة مأساوية لسعد سمير مع الأهلي ومساندة جماهيريه

الأهلي اليوم : بعض الأشياء تؤلم القلب. انسى اي موقف فني من سعد سمير ، التدرج

للسنة الأخيرة في حياة سعد سمير  في صفوف الأهلي مؤلم جدا في ٦ أبريل ٢٠١٩

يعني من ٩ شهور تقريبا سعد سمير في مواجهة ماميلودي صنداونز بيصاب اصابة صعبة

بعد ١٦ دقيقة وبيخرج والنتيجة ١ / ٠ لصنداونز عشان تنتهي بعد كدة المباراة بفوز صنداونز

بخمساية ودة اللي كان اصعب من الاصابة انك مينفعش تسيب في تاريخك المباراة دى

كآخر مشهد ليك مع الأهلي فلازم تحارب عشان ترجع عشان مينفعش دي تبقى اخر

لقطة ليك.

الأهلي اليوم : إصابة في توقيت صعب لسعد

 

الأهلي اليوم : شهور وأيام بتعدي وسعد بيرجع من الإصابة وغير مقيد في إفريقيا وعيد

عن انه يشيل المشهد الكابوس اللي بيطارده. وفجأة وقبل مباراة الهلال ب ٢٤ ساعة فايلر

بيطلب قيد سعد سمير في القائمة الافريقية بعد إيقاف أيمن أشرف. وفجأة سعد بيحس

ان كل حاجة بتتغير بيلعب ٢٥ دقيقة قدام الاسماعيلي ، بيلعب مباراة الاتحاد كاملة ،

بعدها الحلم بيتحقق سعد هيبدأ رحله محو كابوسه

 

الأهلي اليوم : سعد بيلعب اساسي قدام بلاتينيوم في اول مشاركة افريقية له بعد اصابة

مباراة صنداونز. وفجأة وبعد ١١ دقيقة بس يطلع صراخ سعد سمير لأبعد مدى. اصابة

جديدة بعد ٩ شهور غياب كل حاجة في اللحظة دى وقفت حتى الزمن نفسه. يمكن التلج

اللي كان بيحطه عاشور على رجل سعد كان بيخفف ألم الاصابة انما ألم القلب ووجعه

مين يخففه غيرنا ! . الف سلامة يا سعد يمكن هزارك وضحكك احيانا مكنش بيبقى مفهوم

بالنسبالنا بس دلوقتي فهمت انه عشان تقدر تتحمل ، عشان تقدر تواصل ، فاضحك تاني

زي ما كنت بتضحك طول الوقت يا سعد

محمد فارس

اترك تعليق

لن يتم نشر عنوان بريدك الإلكتروني

Ads Blocker Image Powered by Code Help Pro

تم اكتشاف مانع الإعلانات !!!

لقد اكتشفنا أنك تستخدم ملحقات لمنع الإعلانات. يرجى دعمنا عن طريق تعطيل مانع الإعلانات.

Powered By
Best Wordpress Adblock Detecting Plugin | CHP Adblock