الأهلي نيوز : سر تطور مستوي محمد الشناوي .. ودور هام لميشيل

الأهلي نيوز : الميزة الأكبر في فايلر هي جهازه المعاون اللي بعتبرهم صفقة الموسم خصوصا توماس مخطط الأحمال اللي هنقف عنده كتير وكذلك شعيب اللي يعتبر ٥ × ١ وأحمد فتحي الجهاز الفني ،لكن لازم نقف عند ميشيل يانكون مدرب الحراس اللي يعتبر إضافة مهمة جدا للكرة المصرية ولازم قدام ومع استمراريته على هذا المنوال يستفاد منه بشكل أكبر وتتخصصله جلسات مستمرة مع مدربي القطاع ، ميشيل اسأل أي حارس في الأهلي هيقولك بيتبع معانا تدريبات بنشوفها لأول مرة، نظام تدريبي غير مسبوق بالنسبالهم، معدات وأجهزة أول مرة يشتغلوا عليها

الأهلي نيوز : ميشيل مصر علي تطوير حراس الأهلي

الأهلي نيوز :  الراجل ده بيصحى وينام على هاجس سرعة رد الفعل، أكتر نقطة بيشتغل عليها ومزهق الحراس منها، وشوفنا أثرها على الشناوي اللي هو أصلا مميز في رد فعله وبالتالي تطوره سهل، كذلك شايفين تحسنه في الخروج من مرماه، أة لسة فيه هفوات ولكن في الإطار المقبول ، مباراة السوبر مخرجش منها فايلر غير بهدف واحد وهو كيفية الوصول بالشناوي إلى الكمال الفني، كان مؤرق جدا بالنسباله ان ركلتين جزاء في مباراة ببطولة وانت حارس لفريق كبير ومتقدرش تتصدى لواحدة حتى

الأهلي نيوز : وكمان الأكثر إزعاجا له انه غير أسلوب اللعب في أول ربع ساعة لما كان عايز يلعب زي جواديولا فوجد ان الشناوي هيكلفه خسارة المباراة فتراجع سريعا، شايفين حاليا أزاي الشناوي تطور بشكل ممتاز في استخدام قدميه وتوجيه الكرات لزملائه وبالقوة المناسبة، في الأول أغلب الكرات منه كانت لإما بتألش لإما في الأوت!

الأهلي نيوز :لسة المشوار طويل ومش عايزين نستعجل في الحكم على فايلر وجهازه لكن المؤشرات حتى الان إيجابية للغاية ومبتقولش غير ان الناس دي ناوية تنجح مع الأهلي اللي لأول مرة بيشهد توليفة أجنبية بهذا الشكل العصابة السويسرية تحكم بأحكامها حتى الآن واللهم الدوام

Image may contain: 1 person, smiling, standing
اترك تعليق

لن يتم نشر عنوان بريدك الإلكتروني

Ads Blocker Image Powered by Code Help Pro

تم اكتشاف مانع الإعلانات !!!

لقد اكتشفنا أنك تستخدم ملحقات لمنع الإعلانات. يرجى دعمنا عن طريق تعطيل مانع الإعلانات.

Powered By
100% Free SEO Tools - Tool Kits PRO