الأهلي نيوز : يحتفل كريم نيدفيد لاعب وسط الأهلي بعيد ميلاده ، نيدفيد أمتلك فن تغيير نظرة الناس من سلبيه بحته الي ايجابيه عانقت السماء، الجميع ،أجبرهم علي احترامه، أجبر الجميع علي الاعتذار له، أجبر الكل علي الوقوف والتصفيق بـ حراره .
الأهلي نيوز : نيدفيد نجح في تغيير صورته أمام الجماهير
الأهلي نيوز : حكاية بـ امكانها أن تُدرس، فن التحولات، حكاية نيدفيد مش حكاية واحده لا ده 3 حكايات، 3 افكار تتبعهم 3 تغيرات، من لاعب موهوب في الناشئين الأعيُن كلها عليه لاعب متألق جداً بيروح اعارات للحرس ووادي دجلة بيعمل موسم محترم مع دجلة الجمهور يطالب بـ عودته، لـ لاعب مكروه من الجميع الانتقادات تحاوطه من كل اتجاه الجمهور بيفرح لما يبص في التشكيله ميلاقيش اسم نيدفيد ولما بيلاقيه بيتنكد ويشتم عليه وع المدرب اللي بيلاعبه بيقولوا عليه ابن البدري .
الأهلي نيوز : صورته تنزل علي الصفحه الرسمية الـ Angry بيبقا مكتسح .. الانتقادات موقفتش عند الحدود الفنيه بس لا وصلت لـ الحدود الشخصيه لـ الإهانات لـ درجة أنه أتعرض علي Olx غير كم الشتائم علي صفحته .. لاعب صغير لسه في بداية مسيرته بـ يتعرض لـ كل ده وساكت ومستحمل بس الميزه أنه مستسلمش لا حاول يغير فكرة الناس عنه وفعلاً كان له ما أراد .
الأهلي نيوز : سر تحول نيدفيد
الأهلي نيوز : في وقت قليل جداً يكاد يكون اصعب وقت مر علي الاهلي في تاريخه اخر 10 سنين، نيدفيد بيجي من الدار لـ النار بينزل بديل لـ هاني المصاب في قلب رادس في نهائي الشامبيونز في مركز غير مركزه والاهلي متأخر وعلي وشك خسارة البطولة لـ العام الثاني علي التوالي، ونيدفيد بيأدي بـ كل قوة ورجولة وروح، في ظل ما جميع اللاعبين خذلت الجمهور نيدفيد الوحيد اللي كان حاضر بـ روحه ورجولته والأهلي بيخرج من البطولة العربية بعد خسارة ابطال افريقيا بـ ايام قليله .
الأهلي نيوز : حتي في الدوري نيدفيد كان هو النور وسط ظلام مغيم علي الأهلي ولاعيبته، فكرة الجمهور عنه اتغيرت لـ درجة أنه بقي معشوق لدى جمهور الاهلي، صورته اللي كانت بـ تكتسح الـ Angry دلوقت بـ تنزل بـ كمية Love مش طبيعيه، الكومنتات بقيت كلها إشادة وحب، اللي انتقده وشتم وعرضه علي Olx اعتذر وندم، الجمهور بقي يدور عليه اول واحد في التشكيلة كل ماتش ولو ملقيهوش بينتقد المدرب، نيدفيد مينفعش يقعد دكه !
محمود أشرف