الأهلي نيوز : الهزيمة أمام بيراميدز ، نتيجة طبيعية و متوقعة لأي حد بيقدر يفصل عواطفه عن مشاعره،
الموسم بيبدأ من الصيف مش من يناير، بيراميدز في الصيف خد بالأسباب و دعم صفوفه (كل صفوفه مش الهجوم بس)
و أصبح فريق قوي و كذلك الزمالك اللي كمان متفوق على بيراميدز بسبب اختياره لمدير فني ممتاز و البقاء عليه،
الأهلي في الصيف خد بالشعارات و ان شاء الله هنكسب بروح الفانلة و مش مهم التدعيم
ده احنا الأهلي أعظم نادي في الكون هنكسب بأي 11 لاعيب و لو عم حارث مسك الفريق هيكسب الدوري و الكلام الفاررررغ اللي ملوش أي علاقة بالمنطق.
الأهلي نيوز : أهمال الخطيب سبب أنهيار الأهلي
الأهلي نيوز : مجلس أهمل ملف الجهاز الطبي من شهر 5 في 2018 لحد ما بقى الأهلي
كل ماتش بيخرج لاعيب بإصابة عضلية و لسا بيدرسوا الموقف في يناير 2019 و ان شاء
الله هياخدوا قرار في مارس 2020.، مجلس بدون رؤية فنية، مجلس مش شايف ان
الأهلي بقاله شهر بيلعب بدون قلبين دفاع و مجلس شايف ثنائية السولية و هشام
الكارثية و عمال يجيب صفقات هجومية بس و باع الوهم للجمهور ان الفريق هيتحول لتنين
مجنح في يناير لكن مقالوش للجمهور إن الفريق بيلعب بمدرب جديد و بدون خط دفاع و خط نص.
الأهلي نيوز : و استمرارًا لإنعدام الرؤية الفنية مجلس ادارة شايف ان محمد يوسف
الفاشل في جميع تجاربه التدريبية بإستثناء دوري ابطال أفريقيا 2013 و الجدير بالذكر ان من حيث الأداء دي كانت اسوأ نسخة للأهلي في ال8 بطولات و بعد البطولة تمت إقالة
محمد يوسف لسوء النتائج ثم اقالة من سموحة لسوء الاداء و النتيجة ثم اقالة من
بتروجيت لسوء الاداء و النتيجة ثم اقالة من الدوري العراقي ثم نكرمه و نجيبه مدرب عام
لكارتيرون و مدرب مؤقت بعد كارتيرون عشان نسلم للاسارتي فريق ميت بلا أي هوية.. المهم ان كابتن يوسف بيحب النادي انما الكفاءة دي شكليات.
الأهلي نيوز : الأهلي أصبح فريق بلا أي هوية
الأهلي نيوز : مجلس أضاع هوية الأهلي و شخصيته و أصبح الأهلي فريق بيتعمل عليه
ريمونتادا من الداخلية و بيراميدز و فريق بينهار مع أول جول بيتأخر بي في النتيجة.. اللي
كان مستني الأهلي يكسب بعقله مش بقلبه دي مشكلته لأن مفيش دليل واحد في
العالم بيقول انك تحارب المنطق و تنتصر، مش هتكسب بهاني و ايمن اشرف قلبين دفاع
ولا حتى بسعد و نجيب لما يرجعوا و مش هتكسب بهشام محمد و السولية ولا حتى
بعاشور و اكرم لو لعبوا و مش هتكسب باحمد الشيخ، والله ما هتكسب بلاعيب
مبيلتحمش و معندوش ذكاء ملعب و معندوش غير حركتين اتعلمهم في قطاعات الناشئين و متطورش من يومها
في النهاية انا ليه أهاجم لاعيبة بلا امكانيات أو شخصية !؟ انا أهاجم ذو النظرة الثاقبة
اللي شاف فيهم أحسن لاعيبة في مصر و هيكسبوا بأي 11 لاعيب و بأي مدرب يدربهم.. فلتذهب كل الأسباب المنطقية للجحيم و تبقى شعاراتنا راسخة.
معاكوا حق والله العظيم…والله العظيم اول مره أحس ان الاهلي اللي بيديره بيبو فريق فاشل لهذه الدرجه…يا كابتن بيبو يا ايها القائمين علي ادارة الفريق احنا كجمهور بنشوف أحسن منكم …فوقوا بئا وشوفوا وديتوا الفريق فين…يا جماعة الخير في النادي أحمد الشيخ لاعب موهوب آه ولكن لا يصلح للعب في الاهلي…مين يقول ده…احمد الشيخ يا كابتن بيبو فاشل مع الاهلي بدرجة امتياز ومع كده انتوا شايفين انه يصلح…يا كابتن بيبو هشام محمد والله بردوا لا يصلح لشيل خط نص الاهلي..ومع ذلك بتكرموه وبتخلوه كابتن الاهلي…عرفتوا قيمة حسام عاشور…عمرو السولية تايه بدون حسام عاشور ومن قبله عبد الله السعيد…اسلام محارب لا ينفع الاهلي…نيجي للطامة الكبري الحارس محمد الشناوي…طول يا كابتن بيبو ما تيجو علي شريف اكرامي النتيجة هي دي اللي بنشوفها…جول واتنين وتلاته ..النية يا كابتن بيبو سيئة…راعوا ربنا شوية في الفريق…صدقني هناك آخرون لا يستحقون الوجود بالاهلي…كلمة اخيرة يا كابتن صفوا النية بينكم علشان الاهلي يرجع تاني.
احسنت .
ولكن هناك اضافه صغيره مين من حراس الاهلى ال٣ يستاهل يكون حارس الأهلى إللى منه بيبقى حارس مصر الأول فى المقابل ان هناك حارس عنده ٤٦ سنه وداخل ع ال٥٠ والله مستواه أعلى من ال٣ حراس بوردو يطلع عدلى القيعى إللى خربها من وجهة نظرى بردو متمسكين بيه لأنه تعلب متناسين أن التعلب شاخ ونرجع الشعارات الفارغه إللى تعبنا منها ان الأهلى بمن حضر وغيرها من الشعارات الواهيه القيعى والمنيسي والله كذب والله خداع والله تضليل اقسم بالله ممكن حد يفتكرنى مش اهلاوى او فرحان وشمتان لا والله انا نمت من غير عشا وكنت اكتر واحد مستنى اليوم إللى يبقى الخطيب رئيس الاهلى لكن للاسف جه اليوم إللى ندمت انى كنت عايزه يبقى رئيس لأنه الاسف انسان سماعى وليه ناس بعينها وهو السبب فى إنشاء بيراميدز إللى نيمنا من غير عشا…………… موجوع
التعلب الكبير بتاع عمولات و تربيطات مرك مع النحاس والجديد اليوم عمولات وتربيطات مع نادر شوقي الي هيخرب الاهلي الي جبلهم لاعب مبطل كوره ٦ شهور ب ١٨ مليون علشان اللعيب يرجع يلعب منتخب ويتشاف ويتباع تاني ويقفل نادر عمولته من تاني الاهلي فريق كله مجاملات وده مش من دلوقتي من زمان والي قضي علي المجاملات ده مانويل جوزيه افتكروا ابن ابراهيم حجازي لاعب فاشل الي طرده مانويل جوزيه المشكلة في الإدارة إدارة ضعيفة بتاعت مصالح وعلي رؤسهم بطحة وده كله علي حساب الاهلي لله الامر من قبل ومن بعد
عدلى القيعي ضيع.علي الأهلي صفقات كثيره انا اعتبره من الأسباب الرئيسيه لضياع الأهلي هو و
محمد يوسف فين مختار مختار أوعلي ماهر.
الخطيب طلع فنكوش لأنه ظهر أنه فقير اداريا وليس له سيطرة على المجلس ولا يستطيع ادارة مركز شباب الزمالك يجب تطهير الفريق من كلا من محمد الشناوى وشريف اكرامى وجلب حارس موهوب وتصعيد حراس الأهلى شوفوا عمر رضوان لما خد فرصة فى أكثر من فريق شكله أيه فين محمد عصام الغندور وفين اولاد القطاع حرام بقى وطهروا الدفاع من رامى ربيعه وسعد سمير ونجيب المظلوم وأحمد فتحى وساليف كوليبالى وحسام عاشور وميدو جابر ووليد سليمان عاوزين مدافعين أقوياء بدال مش لاقيين طلعوا محمد عبدالمنعم والجزار ادوهم فرصه زى غيرهم وصعدوا صفقات علاء ميهوب للفريق الأولحتى يقف الفريق على رجليه بطلوا شغل المسكنات والفبركة معدتش ينفع وأدوا جميع اللاعبين فرصة ويجب عزل الجهاز الطبى بالكامل وجلب جهاز طبى على أعلى مستوى الإصابات فى الأهلى فقط اشمعنى سوء اعداد وسوء تخطيط وسوء ملاعب التدريب وسوء مدرب أحمال وسوء مدرب العلاج الطبيعى والإدارة واقفه فاتحه بقها مستغربة أيه البلادة دى هاتوا مدرب اخر غير محمد يوسف الفاشل بلوظة فين علاء ميهوب لماذا لايحصل على فرصة علاء ميهوب خدم النادى أكثر من مجلس الإدارة الفاشل وفين ربيع ياسين وفين ولاد النادى المخلصين وليه لاسارتى ولا دى فذلكة كدابة كان مختار ولا النحاس ولا على ماهرولا ربيع ياسين ولا ضياء السيد ولا أسامة عرابى ولا كشرى ولا …………………………………….بطلوا شغل فاتورة الإنتخابات اللى خرب النادى يا خطيب ارحل بكرامتك شعبيتك راحت وزالت وظهرت حقيقتك الإداية الفاشلة أدعى لحسن حمدى واعترف بفضله وقيمته أنت صفر بجانب حسن حمدى
لو كان الاهلى بدون طبيب وبدون الخطيب لما وصل الاهلى لهذه الحالة المتردية فهو الان اضعف فريق فى مصر 00000000000000000000000000000000000000000000000000—————-000000000000000000000000000000000000000000
لو كان الاهلى بدون طبيب وبدون الخطيب لما وصل الاهلى لهذه الحالة المتردية فهو الان اضعف فريق فى مصر 00000000000000000000000000000000000000000000000000—————-000000000000000000000000000000000000000000
[…] الأهلي نيوز : السر الحقيقي وراء أنهيار الأهلي والحل الس… […]