الأهلي اليوم : أسباب أنهيار الأهلي و خسارة بطولتين في شهر

الأهلي اليوم : باستثناء أزارو ووليد سليمان مين في الأهلي حاليا عنده المهارة والثقة

في إمكاناته اللي تخليه يتحرك بالكرة لقدام يروح هو يصنع انفراد زي اللي عمله أزارو

وضيعه أو حتى يصنع خطورة يجي منها فاول زي اللي سجل منه وليد؟

قائمة الأهلي حاليا أغلبها من اللاعبين الموظفين في الملعب في مراكزهم ومنهم

اللي فشل حتى فيها الطبيعي أن الشخصية بتعوض نقص المهارات..

الأهلي اليوم : الأهلي حاليا بلا قائد في الملعب

الأهلي اليوم  : شخصية اللاعب في الملعب بتخليه دايما واثق في إمكاناته حتى لو مش لاعب سوبر..

مين لاعب في الأهلي حاليا عنده شخصية أنه يقف على كرته لحد ما يسلمها لزميله

مش بيتخلص منها أول ما توصله حتى لو هيرجعها لورا أو يزنق زميله المضغوط؟

مين قائد الأهلي حاليا؟ حسام عاشور.. عاشور بعد استقبال الأهلي للجول التالت من

الترجي حط وشه في الأرض مستسلم رغم ان الأهلي كان محتاج جول واحد بس ولسة

في وقت والنهاردة دخل في خناقة ملهاش أي معنى مع حكم كان جيد جدا في الملعب.. لا دة دور قائد الفريق ولا متوقع من لاعب بخبرة عاشور

الأهلي اليوم : إيه إمكانات كوليبالي اللي تخليه ياخد مكان أجنبي من ٤ في قائمة الأهلي؟ ب

يزيد هجوميا ويستغل طوله؟ في فترة ما كان الأهلي بيكسب فيها كل ماتشاته كانت ناس

شايفة ان حرام مركز أجنبي يضيع ع باك شمال حتى لو علي معلول.. كوليبالي مدافع متوسط المستوى وكل مؤهلاته للانضمام للأهلي علاقته بالمدرب

 

الأهلي اليوم : ‏إيه استفادة الأهلي فنيا من كارتيرون؟ لأول مرة الأهلي في بطولة كاملة

كل ماتشاته الخارجية يلعبها بنفس الأسلوب وهي ١١ أدام المرمى حتى لما وصل

للنهائي وهو عنده أفضيلة ٣-١.. لا حلول لما الفريق بيتأخر.. تغييرات غريبة وتشكيلات

أغرب كلفته خسارة لاعبين أساسيين للإصابة قبل نهائي إفريقيا ‏الأهلي وقت التقدم ع

الوصل ووجود مساحات في دفاعه تخليك تكسب مستريح أزارو بس اللي في الهجوم

عشان يستقبل كرات طولية طايشة.. الفريق بيضيع وقت بس مش والكرة معاه لأ بأن حمودي يسلم ع كل زمايله وهو خارج!

الأهلي اليوم : هل في واحد في مصر – مش إداري في فريق كبير – مكنش عارف أن

مستحيل المشاركة في ٤ بطولات من غير ما تخسر لاعبين مهمين سواء بقا للإصابة أو الإجهاد أو الإيقافات؟

دي مفاجأة يعني؟ المصيبة أن دة كله بيحصل وأنت لسة في أول الموسم لسة ملعبتش

في الدوري ‏بالنسبة لي حجة الغيابات دي ممكن تبرر بها موقفك للجمهور بس مش هتعرف تضحك بها على نفسك عشان لو كنت كسبت النهاردة كنت هتقول ..

الأهلي بمن حضر واحنا أبطال إفريقيا واللقب اتسرق في رادس وعائدون للفوز بكل الألقاب

اترك تعليق

لن يتم نشر عنوان بريدك الإلكتروني

Ads Blocker Image Powered by Code Help Pro

تم اكتشاف مانع الإعلانات !!!

لقد اكتشفنا أنك تستخدم ملحقات لمنع الإعلانات. يرجى دعمنا عن طريق تعطيل مانع الإعلانات.

Powered By
Best Wordpress Adblock Detecting Plugin | CHP Adblock