أولا.. الاعتراض في الوقت ده غير منطقي، ده المتاح عندك، انت مش هاتبعت قايمة بـ هازار وأجويرو.. في يناير إذا كانت القايمة النهائية مخيبة وقتها أكيد الاعتراض هايكون في محله، لكن حاليا دي قايمة منطقية جدا
أخبار الأهلي : ثانيا.. مفيش قائمة بيتم تقييمها بإسم أو اتنين، مفهوم ان الناس ممكن تتحفظ على أسماء، ده حصل مع منتخبات كبيرة في قوايم كاس العالم، طبيعي يحصل في قايمة الأهلي الأفريقية، لكن في النهاية مفيش فارق كبير بين كل الأسماء المتاحه حاليا .
ثالثا.. دور المجموعات هايبدأ في نص يناير، والجولة التالتة هاتكون في فبراير، يعني القايمة دي هاتبقى متكتف بيها في ماتشين دور الـ 32 بس، وفي أسوأ الأحوال لو صفقاتك اتأخرت شوية هاتلعب بيهم جولة مثلا في المجموعات
أخبار الأهلي : الإحلال والتجديد يحتاج لعدة مراحل
أخبار الأهلي : رابعا.. لازم الكل يكون فاهم ان الإحلال والتجديد مش بيتم في فترة انتقالات واحدة، الأهلي مش هايعمل 15 صفقة في يناير، لو عمل 4 صفقات كويسين هايبقى شىء عظيم أصلا.. بالتالي الأماكن الفاضية في القايمة مقبولة جدا.. وهو الحد الأقصى أصلا
أخيرا.. رغم التسليم بإن قايمة الأهلي ضعيفة جدا، ومحتاجة دعم واضح، لكن في النهاية لما تتكلم عن 3-4 صفقات محترمة، مع رجوع أچايي ومعلول وفتحي ووجود سليمان وأزارو “أو بديل له” ومعاهم صلاح محسن وأيمن أشرف وكوليبالي الشكل العام هايكون ابتدى يبقى مقبول، ومعظم الأسماء اللي عليها خلاف هايكونوا بدلاء
