الأهلي نيوز : أحمد شوبير حارس الأهلي التاريخي والمدافع عن حقوق النادي
الأهلي نيوز : أحمد شوبير كان حارس عظيم وشخصية قائد داخل الملعب ملهاش مثيل
وأهلاوي جدا ، بيفى أول تلات مواسم من حقبة التسعينات كانت أسوأ فتراتنا على
مستوى الأداء ومستوى كفاءة اللاعبين لكن شوبير ظهر كأسد داخل الملعب شايل الفريق
بيخليك تكسب الزمالك فى أحسن حالاته وحتى المرات اللي خسرنا فيها من الزمالك
شوبير منعهم فيها إنهم يفوزوا بنتيجة تاريخية .
الأهلي نيوز : شوبير حارس مميز ومدافع عن الأهلي
الأهلي نيوز : ماتش نهائي الكاس ٩٢ مباراة كانت بين الزمالك وشوبير حرفيآ وبيكسب الأهلي الكاس .
فى نفس الموسم الدور الأول من الدوري بنلاعب الزمالك واحنا عاشر الدوري والزمالك فى
أوج تألقه وبنجيب جون وشوبير يصد واحنا نكسب ، نهائى الكاس ٩٣ ادام المحلة خالد
عيد وعبدالعظيم الشورى وشوقي غريب بينفردوا وشوبير يصد واحنا نكسب الكاس ،
الماتش الفاصل ادام الاسماعيلي ٩٤ بنتقدم ب ٤ اهداف وحالة استهتار وتراجع فى الاداء
وخصوصا الدفاع وشوبير يصد ونكسب ٤-٣
الأهلي نيوز : اللي هتف لشوبير والحضري هايعرف الفرق الكبير بين مقصد الهتاف لكل
حارس ، كنا بنقول شوبير استنجاد وكنا بنقول حضري حضري احتفال وعمرك ماهتساوي
بين اللي كنت بتسنجد بيه وقت شدتك وبين اللي كنت بتحتفل معاه ، الحضري مع كونه
الأفضل لكنه شال الفرقة بعد الفرقة ماشالته ولحظات وقوع الفريق كان الحضري بيقع
نفسيآ وده اللي حصل وشوبير شال الفريق وقت أزمته ووصل بيه لمنصات التتويج والفريق
كان لسه عوده أخضر .
الأهلي نيوز : شوبير الإعلامي راجل شاطر ومهني جدآ ويكاد يكون مافيش غيره فى مصر
بيعرف يقدم إعلام رياضي ، شوبير الإعلامي مع الأهلي يكاد يكون الإعلامي الوحيد اللي
بيدي للأهلي حقه المادي والمعنوي بدون ماييجي على حق حد .