الأهلي نيوز : كيف أضاف جوزيه لتاريخ الأهلي وهل فشل خارجه؟
الأهلي نيوز : هل جوزيه فشل بعد الأهلى ؟ البرتغالي لم يفشل بعد الأهلى ولكن إللى فشلت إختياراته ل الانديه أو المنتخبات إللى تعاقد معاها ، يعنى مثلا شخصية جوزيه الحاده القويه مستحيل تنجح فى الخليج مع لاعيبة و ورؤساء أندية بيشوفو نفسهم فوق النادى ، وده حصل فعلا وتصادم جوزيه مع نجوم الفرقه ، وقرر وقتها منصور البلوى إقالة جوزيه والانتصار ل النجوم عشان يكسب تعاطف الجمهور ، و الإعلام المساند ليهم
الأهلي نيوز : جوزيه لم يفشل خارج الأهلي
الأهلي نيوز: أي لاعب تدرب مع جوزيه تحدث عن تأثير البرتغالي عليه على الجانب الشخصى و الاجتماعى قبل الكروى ، متعب لما إتخانق مع ضابط شرطه جوزيه قاله إحنا عبارة عن مهرجين وظيفتنا نبسط الناس ، إسلام الشاطر كان بيحكى أن جوزيه بعد ما خد قرار رحيله من الأهلى عزمه على العشاء و امثله كتير جدا هاخد وقت كبير عشان أحصرها
الأهلي نيوز : مانويل جوزيه من وقت دخوله مصر غير حاجات كتير فى كرة القدم المصريه ، قبل قدوم جوزيه كان اى فريق بيلعب قدام الأهلى أو الزمالك بخطة معروفه للجميع تكتل دفاعى تضيق مساحات واللعب على المرتدة ، لما جوزيه لاحظ كده بدأ يستفز فى مدربين الفرق المصريه بتصريحات عشان يلعبو كرة قدم هجوميه ، وده فعلا إللى حصل وبدأنا نشوف مدربين لما بيلاعبو أهلى زمالك فى الوقت ده بيبحثو عن المكسب زى طارق العشرى مثلا وغيره
الأهلي نيوز : جوزيه أضاف للكرة المصرية
الأهلي نيوز : حجم مجهود مانويل جوزبه ينتصر للراجل فنيا و معنويا وانتصر لشخصيته القياديه إللى غيرت كتير جدا فى تاريخ الكرة فى مصر ، وفى شخصيات جيل آثر فى تاريخ مصر وهيأثر مستقبلا لأن الجيل ده منتظر منه كتير جدا على المستوى الإدارى والفنى فى المستقبل
– أخيرا على مستوى تاريخ النادى الأهلى الحديث فيه أكتر من شخصية محتاجه تدرس بعنايه زى صالح سليم وثابت البطل الله يرحمهم ومعاهم مانويل جوزيه وحسن حمدى ، وممكن من خلال الدراسه دى النتائج تتحول الى منهج يدرس ل الأجيال القادمه من اللاعبين والمدربين والإداريين
Mohammed Hamdy