الأهلي نيوز : الأهلي يكشف مشروع ضخم ومكاسب بالملايين للنادي

الأهلي نيوز : نظرة على “وحدة الأهلي الاقتصادية” رؤية ٢٠٤٥ (١) ، الحقيقة خطوة

استاد السلام خطوة عبقرية وبتسير فيها على درب أندية عالمية، وبتضرب بيها ١٠ و١٠٠

عصفور بحجر واحد، المكاسب اللي هتتحقق من هذه الخطوة التاريخية: أولا .. لا تعارض

أبدا بين الحصول على استاد السلام كحق إنتفاع ومشروع الحلم والقرن مدينة الأهلي

الرياضية الذي يجري عليه العمل يوميا على قدم وساق، وبمجرد الإنتهاء من إنشاءه

ينتهي حق الإنتفاع تلقائيا بموجب التعاقد ، لأول مرة في التاريخ ملعب يحمل بشكل

رسمي وورقي وموثق أسم وشعار الأهلي، طول عمرك بتلعب في استاد القاهرة أو

الكلية الحربية أو برج العرب أو الدفاع الجوي أو السلام أو السويس لكن عمرك ما لعبت

على ملعب الأهلي فده حدث تاريخي

الأهلي نيوز : الأهلي يحقق دخل جيد من ستاد السلام

الأهلي نيوز : انت بتحصل على منشأة كبيرة جاهزة تماما وما عليك فقط إلا انك بتزيل

أسم صاحبها وتضع أسمك وشعارك وتتملكها لربع قرن من الزمان ، العبقرية هنا انك

بتتملك منشأة جاهزة دون أن تسدد مليما واحدا! بل والأكبر والأكبر انك انت اللي

هيدفعلك فلوس! تخيل لما تروح تشتري وببلاش شقة جاهزة ومتشطبة على أحدث طراز

شراء كامل لمدة ٢٥ سنة ويتقالك خد فلوس كمان! انت هتسكن عندنا على حسابنا

وانت المالك كمان ومعاك المفتاح! حد يلاقي شراء ببلاش وعليه فلوس ملايين ويقول لاء؟!

انت هيدخلك ٦٠ مليون جنيه سنويا، يعني مليار ونصف المليار طيلة مدة التعاقد، انت

متخيل ان كل شهر تصطبح على ٥ مليون جنيه وعلى حاجة انت اللي شاريها!

الأهلي نيوز : وهنا للي معترض انت حتى لو هتبدأ في بناء الاستاد من النهاردة قدامك

سنتين تلاتة عشان تستلمه، ايهما أفضل تقضي السنتين تلاتة دول في صرح جاهز مجهز

بأسمك وبتكسب منه ٥ مليون جنيه شهريا ولا تقعد تلف على ملاعب مصر وتشحطط هنا

وهنا وكل ٣ أيام تأجر ساعتين! مش بس بتكسب ٥ مليون شهريا من اللا شئ، انت

كمان بتوفر ملايين كنت بتصرفها لإيجار الملاعب بخلاف مشقة وتكاليف السفر والحجز

والإقامة، أحسب كده انت في السنة الواحدة بتأجر بكام وشوف انت هتوفر على نفسك

قد اية طيلة الربع قرن بخلاف المليار ونصف المكسب، أرقام مرعبة بقى عندك ملعبك

ولوحدك، مش هيلعب معاك غير الإنتاج اللي بعيد عن افريقيا، يعني ملعب طول السنة

مرتاح أرضيته مش مجهدة ولا بيلعب عليها ٥٠ نادي

الأهلي نيوز : الأهلي يوفر الراحة للجماهير

الأهلي نيوز : بتوفر مئات الكيلو مترات على جمهورك، وكلنا عارفين ان القاهرة عاصمة

جمهور الأهلي اللي كان بيتمرمط وبيسافر بالساعات وبيروح بيته آخر الليل ، كمان هو

مش مجرد استاد، ده يعتبر فرعك السادس بمدينة السلام، مدينة رياضية مجهزة، بها

استاد دولي، ومهبط للطائرات وجراجات، وغرف ملابس، وقاعات مؤتمرات، وهتنشئ

ملعبين فرعين، واستراحة، وفندق، ومطاعم، ومحال تجارية وكل دول هيدخلولك موارد

إضافية كبيرة ، يعني مشروع استثماري كامل، وفرع جديد سادس بعد الجزيرة ونصر وزايد

والتجمع وطيبة، وتقدر تقدم فيه كل الخدمات الرياضية والترفيهية، ويبقى مفتوح للجمهور

يوميا في ساعات محددة بتذاكر بقيمة رمزية تدر عليك دخل مهول لا تتخيله، وممكن كمان

تعمل عضويات مؤقتة برقم محترم ومقبول

الأهلي نيوز :  ملاعب تدريب إضافية، تقدر تنوع براحتك، تدرب شوية هنا في التتش،

وشوية هنا في السلام ، مش ملعب واحد تجهده طول السنة ، بقى عندك فرصة تنقل تدريباتك فترة للسلام وتغلق التتش وتطوره تطوير كامل وتعالج أرضيته المتهالكة ، عندك

أفكار جميلة ولا حصر لها لتطوير هذا الصرح، تقدر تعمل بواباته وأسواره زي فروعك وتضاعف

حقوق رعايتك، يبقى كل الصرح ده أهلي من الممشى والممرات والقاعات والغرف كلها

تحمل شعار ولون الأهلي زي المدرج الخلفي للتتش، المدرجات تبقى بالنسر زي مدرجات

التتش، صرح كامل أهلاوي مكتسي باللون الأحمر في مدينة السلام