أخبار الأهلي : عدة مكاسب لفايلر بعد لقاء النجم وعودة أهلي “الغابة”

أخبار الأهلي : اللي بيلعب على التعادل خارج أرضه بيخسر” وأضيف بعد بيخسر وبيتهان ، اللي حصل في مباراة النجم هو ده اللي كنت بعنيه بالحرف من المقولة دي ،  مجرد استسلامك للخصم وانك تنزل لاعيبتك كلها تحت الكرة، وبتدافع من أول ملعبك، بيركب الخصم عليك وبيخرجك من المباراة، وشكلك بيبقى سيئ لأقصى درجة ، لكن لما تنزل زي فايلر مسيطر من الوهلة الأولى، وفارض شخصيتك، ومنتشر في كل مربعات الملعب، وليك تواجد في كل خط، وبتضغط من أول الملعب، ودفاعك متوسط، الخصم بيفقد الثقة وبيتراجع وبيتحول لرد فعل وطموحه بيقل وبتهز شخصيته، وبيفقد ميزة ملعبه وجمهوره

أخبار الأهلي : فايلر أعاد شخصية الأهلي

أخبار الأهلي : حتى بعد الطرد، كانت فرصة للنجم ينقض عليك ويفترسك لو مدربك لاسارتي مثلا، لكن فايلر لم يعطيهم  فرصة، ده كمل زي ما هو وضاغطهم ب٥ من الأمام ،  لما بدأ يغير، كان مع كل تغيير شكله دفاعي لكن عينه على الهجوم، هو عايز يحقق المعادلة المستحيلة، انه يظبط دفاعه بقدر الإمكان دون أي تأثير يذكر على هجومه وشكله في الملعب ،  كل ده أدى في النهاية ان استحواذك تخطى ال٦٢%، ودي نسبة مستحيل تعرف تعملها امام أي فريق كبير ولو بتلعب في أرضك ووسط مليون متفرج!

أخبار الأهلي : كثير مش حاسس بقيمة ما حدث بالأمس، ان النجم الساحلي يدافع قدامك على أرضه بهذا الشكل طوال المباراة وانت منقوص لاعب وحتى وهو متقدم ميتجرأش انه يطلع عليك أي هجمة بأكتر من لاعبين ٣ ورغم انه عايز يعوض هزيمة ال٦ فهو شيئ فني لو تعلمون عظيم ،  واجهت مشكلة في ترجمة سيطرتك وخلق فرص دي طبيعي جدا، الملعب كله اتلخبط منك وشكلك اتشوه، وبقيت بتلعب بأكتر من لاعب في غير مركزه، وأمام خصم متكمل وال١١ تحت الكرة، فالإختراق من العمق أو اللعب العرضي كان صعب جدا، وكان الحل للتهديف الضربات الثابتة والتسديد فقط

أخبار الأهلي : الأهلي يعود لقانون الغابة

أخبار الأهلي : ده الشكل اللي اتمناه للأهلي في أي مباراة، ومش هزعل ابدا من أي خسارة لو لعبنا كده، وأصلا فرص خسارتك هتكون ضعيفة جدا، ده انت لو عممت أسلوبك ده والظروف ماشية طبيعية سواء تحكيم أو إصابات فحتى التعادل هيكون بعيد عنك وفرصك في الفوز كبيرة جدا مشروع أهلي الغابة يلوح في الأفق ويبنى على أساس متين وشخصية متزنة وثقة عالية وفكر متطور