الأهلي نيوز : سر تميز فايلر رغم الخسارة .. وكيف أفسد الحكم اللقاء

الأهلي نيوز : لكن بداية من الطرد اللى فسد  الماتش تماما كان فيه تعامل فردى سيء

من اللاعيبة اللى فقدت اعصابها تماما إلا أحمد فتحى و قفشة ، غير كدة الباقى مختفى

و متعصب و شغال خناقات و بعيد تماما عن لعب الكرة  هنا فايلر خد قرارات بختلف معاها ،

بداية بعدم الدفع بياسر ابراهيم تماما طول الماتش ، انا مستغرب جدا كم تحولات مراكز

فتحى و السولية اللى للاسف اتسببت بشكل كبير فى جول النجم اللى هرب فيه

الشيخاوى من الرقابة بسبب تداخل المراكز و الادوار و عليهم كمان سوء تقدير من ربيعة

الأهلي نيوز : الأهلي تأخر في اللعب المباشر

الأهلي نيوز : كمان الاهلى اتجه للعب المباشر فقط فى اخر ربع ساعة و دى خطوة

متأخرة جدا ، اتأخرت حتى بعد نزول وليد ازارو و دخول اجاى للمنطقة كمهاجم تانى ،

كذلك بردو نزول ديانج اللى اه مفتقد للرتم و محتاج وقت عشان يدخل فى المنظومة بس

وجوده كان ضرورى لانه الوحيد فى نص الملعب اللى افتك اغلب الصراعات اللى دخل فيها

و كان حاضر دايما فى الكورة التانية فى ظل انك كنت محتاج زيادة عددية فى المنطقة

الأهلي نيوز : الخسارة الاولى كانت حتمية ، كمان اخطاء فايلر ناتجة عن قلة خبرة افريقية

و معاها ظروف بشعة ، ظروف بتتكرر كل مرة مع الاهلى ،مباراة هتفرق كتير فى مشوار

الاهلى اللى لسه بيبدأ و محتاجة اعداد نفسى كبير للاعيبة عشان يتجنبوا مواقف زى دى