الأهلي نيوز : حقيقة حرب الصفقات بين الأهلي والزمالك .. ومن أنتصر
الأهلي نيوز : الصفقات وسيلة وليست غاية ، الأمر تحول لمؤتمرات وصراعات جماهيرية ومكايدات غير منطقية وخلق انتصارات وهمية ،
مفيش بطولة اسمها كأس العالم للصفقات واللي بيكسب بياخد الميدالية الذهبية! ، كل
دي مساعي للمنافسة على البطولات والنجاح بيقاس بأنت كسبت كام بطولة مش أبرمت كام صفقة!
يعني مثلا بيراميدز صرف فوق المليار صفقات سوبر ومدربين عالميين وطلع ثالث الدوري
وبأرقام أقل من المقاصة ٢٠١٧! في المقابل الأهلي والزمالك صرفا أقل من بيراميدز بمراحل وتفوقا عليه في الترتيب
الأهلي نيوز : الصفقات ليست حرب
الأهلي نيوز : فهنا الصفقات اللي عملتها تروح تلعب بيها ماستر ليج أو اخترع لنفسك
كأس وصبر بيه نفسك لكن الواقع الفعلي فموسم الأهلي والزمالك أرخص وأنجح بكثير
قائمة كل فريق ٣٠ لاعب، باقي السوق متاح لغيرك، مش هتقدر تلم كل السوق ولا تمنع
غيرك من التدعيم والقوي لو ركزت مع غيرك هتخسر، لانك انت هدعم وهو هيدعم دي بديهيات فالمنافسة في الملعب مش بمين جاب مين
الأهلي نيوز : طول ما انت بتبص لغيرك حساباتك بتتناقض وبتشعر انك مقبل على كارثة
وانك معملتش حاجة ومنافسك مدغدغ الدنيا ونشوتك بصفقاتك بتتلاشى الأهلاوي يسرح
في الزمالك ويقول يا ولاد الاية عواد وبن شرقي وأوناجم وغيرهم مع ساسي وطارق
وفلان وعلان عندهم ده احنا هنروح في داهية ، والزملكاوي يسرح في الأهلي ويقول يا
ولاد اللذينة ديانج اللي هيسد أكبر ثغرة عندهم ومتولي ورمضان وقفشة غير معلول
وصالح وفلان وعلان ده احنا هنشوف موسم أسود ، والحقيقة ان لا ده بيفكر صح ولا ده،
هو الطبيعي لما تبص لغيرك تخاف، لكن الطبيعي كمان لما تبص لنفسك وانت بتلبي احتياجاتك تطمن ودي النظرة الموضوعية
الأهلي نيوز : الأهلي كان يركز علي سد الثغرات
الأهلي نيوز : الريال جاب هازارد برشلونة رد وجاب جريزمان وهكذا مستحيل فريق هيعرف
يضم هازارد وجريزمان وفلان وعلان مرة واحدة ما مش انت بس اللي معاك فلوس ولا انت
بس اللي عندك أماكن انت مش بتلعب لوحدك، انت هدعم وغيرك هيدعم وانت كإدارة
بتدخل السوق بميزانية محددة مينفعش تستهلك نصفها في صفقات سوشيالجية ولقصف
الجبهات، وبتبقى محدد عدد معين وليكن ٥ مينفعش تستهلك ٣ منهم في الكيد في المنافس حتى ولو على حساب مراكز العجز عندك!
الأهلي نيوز : الفكرة في احتياجات الفريق، ممكن تكون صفوفي ممتلئة مش محتاج غير صفقة،
غيري فريقه واقع محتاج ١٥ صفقة، اية اللي يخصني وقتها يجيب مين يعني أهد فرقتي وأعيد بنائها من جديد عشان البوم طخ في التصريحات والسوشيال!