أمم أفريقيا :رينار من أفضل مدربين القارة إن لم يكن أفضلهم في تطبيق الإستحواذ لأنه
بخلق مساحات وحركة بدون كورة و لامركزية و إلى آخرها من شروط عشان تكون فريق بيجيد الإستحواذ .
أمم أفريقيا : لكن مع كل ده بيتطلب إختيار العناصر اللي تقدر تطبق فكرك وأعتقد إن
تشكيل ماتش النهاردة بنسبة كبيرة هيستقر عليه رينار فيما هو قادم لأن تركيبة خط
النص بالأحمدي و بلهندة و بوصوفة تركيبة مثالية دفاعيًا وهجوميًا، بغض النظر عن قدرات
بلهندة و بوصوفة الفردية و رؤيتهم للملعب لكنهم كمان بيمتازوا جدًا بالذكاء في التحرك
والاستلام في المساحات الفارغة بين الخطوط بالتالي مع تحركات الثنائي ده المتبادلة
بين الخطوط وانطلاقات الظهيرين أشرف حكيمي ونبيل ضرار و فتح عرض الملعب ليهم و
اللامركزية اللي بين مرابط و زياش والنصيري كل ده بيخلق شكل مثالي لفريق عايز
يستحوذ إستحواذ إيجابي و بيمتلك العناصر اللي تخليه قادر على ده .
أمم أفريقيا : المغرب تعود لعصرها الذهبي مع رينارد
أمم أفريقيا : يمكن النقطتين اللي هيبقوا محل جدل في منتخب المغرب إن أولًا تركيبة
خط الوسط دي كلها تخطت حاجز ال30 سنة و أكيد هيبقى في قلق من قدرتهم البدنية
على إستكمال المبارايات الحاسمة بنفس الجهد والعطاء و ثانيًا حتى الآن ضرار و أشرف
حكيمي لم يقدموا الدعم المطلوب منهم من الأطراف حتى الآن خاصًة أشرف حكيمي لأنه
لاعب بيلعب برجله اليمين و رغم كدة بيلعب ظهير أيسر و عشان يعدل الكورة على يمينه
بياخد أكيد ثواني قد تعطل الهجمة ، عمومًا المغرب قدمت أداء شرس جدًا و ممتع جدا و نتيجة 1-0 كانت قليلة على سير اللقاء اللي كان مفروض يخلص بسكور .
