الأهلي نيوز : كارثة في النادي الأهلي يمنح الزمالك الدوري الموسم المقبل
الأهلي نيوز : اللي بيحصل في ملف اليد ده قمة الاستخفاف بأسم وتاريخ وجمهور الأهلي ..
لعبة أهانت اسمنا وكسرت هيبتنا وكسرتنا نفسنا لدرجة اننا بقينا متوقعين الخسارة من
قبل المباراة ما تبدأ! وده راجع لقصور شديد في تدعيمها رغم انك مستلمهم وهما أبطال الخماسية!
يعني بتدعيم بسيط وشوية صرف كان الوضع اختلف .. خلاص جددنا لعاصم حامد وجبنا
خيري ومعرف فقط وضيعنا الدرع وزين وأعلى المحترفين أول سنة ..
الأهلي نيوز : أزمة كبيرة في كرة اليد بالأهلي
الأهلي نيوز : وكملنا على الفريق بمدرب عجوز من على قهاوي اوروبا مع عدم تدعيم
الفريق بإعارات في البطولات الافريقية ومجبناش غير محترف مضحك مع حماصة في
الوقت اللي الزمالك بكل ديونه بيجيب فيه زايد وبوغانمي! ونتيجة ده خرجنا بموسم
افريقي صفري مخزي وكأس يتيم محليا وبقينا بنخسر من الجزيرة وسبورتنج والجيش وأي
فريق ماشي في الشارع بيتسلى علينا .. فبدل ما نفوق بقى ونحاول نعوض اللي فات
بنكمل على الفريق وناويين على هبوط الموسم القادم! مش عارف تخلص مدرب وضيعت مدربين فرز أول
الأهلي نيوز : لما جيت تطهر وتمشي مشيت الأساسي وسيبت الاحتياطي بتاعه! وكان
رحيل عشوائي بدون خطة واضحة .. كان فيه محاولات وشغل بيحصل وده سبب اني كنت
متفائل وبحاول أطمنكم لكن للاسف أغلب الشغل ده تم افساده وبفعل فاعل! ومبقاش
قدامنا غير حلول بسيطة ومع القائمين على الملف مستحيل يصلحوا أساسا .. حتى زين
كان عنده عرض فرنسي وقدر يقنع ناديه الإماراتي ووافق يقلل مرتبه واحنا فعلا كنا هنخلصه لولا رؤوف بيه اللي معانت ورافض!
الأهلي نيوز : يا كابتن الخطيب أنقذ الفرع ده من الفشلة اللي متحكمين فيه لاننا فعلا
هنواجه موسم كارثي وأسود ومش هنطول مركز تاني حتى .. أدخل يا كابتن لانك أول
واحد هتضرر من فشلهم، الجمهور زهق وشبع خسائر نفسه يفرح مرة، كفاية بقى
مشاكل ونزيف خسائر .. انتم مستحرمين علينا الفرحة لييييييية؟! كفاية بقى أرجوكم احنا
بقينا في عرض فرحة واحدة مش كده بجد ده الأهلي يا جماعة الأهلي ازاي هاين عليكم كده!!!
محمود أشرف