الأهلي اليوم : الوصايا العشر لفوز الأهلي علي صن داونز ورد الإعتبار

الأهلي اليوم :  الوصايا العشر لمباراة صن داونز دول مش لضمان تقدم مباراة قوية ،1-الاستحواذ ثم الاستحواذ .

صنداونز استحوذ قدامنا بنسبه 65 % مقابل 35 % . دة نتيجته ان الفريق فى التمريرات

القصيرة مرر 593 تمريرة مقابل 272 للأهلي فرق كارثي ومهين للأهلي .

الاغرب ان دقة التمريرات القصيرة لصنداونز كانت 94 % رقم مش طبيعي معناه ان الضغط

فى الأهلى كان كارثي . انت عشان تكسب صندازنو هنا محتاج انك نسبه استحواذك فى وضع زى دة متقلش عن 70 % .

الأهلي اليوم : الأهلي يحتاج للأستحواذ والضغط أمام صن داونز

الأهلي اليوم : 2-احنا محتاجين نعمل حمله اسمها لا للكرات الطولية نعم للأرضية .

تحضير الهجمة على الأرض حتى العرضيات من معلول والاجنحة لازم اغلبها يكون أرضي .

ناسكيمنتور وارندسي ثنائي دفاع صنداونز سيئين جدا فى الكرات الأرضية ومتفوقين فى الكرات العالية .

احنا عملنا فى الذهاب 50 كرة طولية منهم 20 كرة بس صح !!!3-الضغط على صنداونز

لازم يتركز فى الضغط على كيكانا 8 ومبوندا 13 ثنائي الارتكاز اكتر ثنائي بيستلم الكرة وسهل يفقدها بالضغط .

الأهلي اليوم : 4-زوايني قابل للاشتعال . للمرة المليون زواينى الجناح الأيسر لصنداونز

قادر بكل سهولة على التسجيل فى مرمى الاهلى والوصول للهدف السادس . لازم يتم

الضغط على اللاعب بمجرد استلام الكرة وفى حالة تحركة كالمعتاد لداخل ال box زى

الهدف الاول لازم يكون فى حد بيرحل معاه للداخل ،5-لو هتلعب بأرتكاز وحيد لازم يكون

حمدي فتحي ولو هتلعب باتنين لازم يكون من بينهم حمدي فتحي ،6-ربيعة يتحط قبل اى

واحد فى الدفاع حط ربيعة وبعدين شوف هتلعب مين جنبه

الأهلي اليوم : التسديد سلاح الأهلي الفعال

الأهلي اليوم : 7-التسديد على مرمى صنداونز فكرة ان الاهلى بيحاول يوصل لاخر مرحلة

فى انهاء الهجمة بدون مغامرة وان الهدف بيجي من تدرج لحد منطقة ال box بتاعه المنافس دى مش هتنفع .

هدد مرمى صنداونز فى كل لحظة بالتسديد . وعشان كدة اتمنى ان معلول يسدد وفتحي

لو لعب يسدد والشحات المباراة دى لازم يبدأ هو وناصر ويكون لهم تعليمات واضحة بالتسديد .

الأهلي اليوم : 8-العمق الهجومي مش بأنك تبدأ ب 2 مهاجمين زى ما البعض بيفضل .

عدد المهاجمين ملهوش اى دلاله على ان فرصك فى التهديف هتبقى اكبر بالعكس انت

ملعبتش بأتنين مهاجمين تقريبا من فترات كبيرة وهيكون فى تداخل فى ادوارهم . انت

محتاج مهاجم سواء مروان او ازارو وتحته طوفان من لاعبي الوسط المهاجم اللى يقدر

يدخل لاعب منهم زى اجاي او الشحات كمهاجم تانى من غير ما تخسر مركز لصالح مهاجم تانى بشكل صريح

الأهلي اليوم : 9-انت اه عندك 90 دقيقة بس اول ربع ساعه اهم 15 دقيقة فى المباراة

اى تسجيل لاهداف فى ال 15 دقيقة دول هيهزوا صنداونز جدا نفسيا وان كل شئ وارد

بس الاهم ان الاندفاع بتاع اول 15 د يكون فيه مجموعات دفاعية بتتمركز فى المرتدات

عشان منستقبلش هدف ينهي أي امل فى اى عودة ،10-تقبلوا اى شئ من الجمهور

وصدقوني لو كنتم رجالة بغض النظر عن الصعود جمهوركم هيصقفلكم فى النهاية انما لو

الجمهور دة حس انكم لتانى مرة مقصرين ومش قد المسؤولية جمهوركم مش هيغفر لكم ابدا . الفكرة بس انك تكون راجل مش اكتر

محمد فارس