أكد الدكتور مصطفى مدبولي رئيس الوزراء أن الدولة تعمل على تنمية الساحل الشمالي ليصبح قائماً على السياحة على مدار العام، وليس مجرد منتجعات تعمل لمدة شهرين أو ثلاثة فقط.
اقرأ أيضا: حصيلة تفشي إيبولا في الكونغو الديموقراطية تتجاوز ألفي وفاة
وقال: “أرجو حضراتكم جميعا لازم يعني لأن أنا بتابع بعض التعليقات اللي بتتقال على التنمية اللي بتحصل في الساحل الشمالي، إحنا كلنا مقتنعين ولا لأ إن السياحة مصدر حقيقي من الدخل لمصر؟ “.
واستطرد “الساحل الشمالي ما كانش بيجيب سياحة أجنبية خالص” من قبل، ولكن اليوم “بنفرح كلنا لما بنشوف حجم تواجد السياحة الأجنبية” وما يترجمه ذلك من “عملة صعبة بتدخل البلد وفرص عمل لشبابنا اللي موجودين في هذه المناطق”.
وأضاف، خلال زيارته لمحافظة الغربية اليوم، لتفقد وافتتاح عدد من المشروعات الخدمية والتنموية، إن في المشروعات الجديدة مش بنتكلم على شهرين تلاتة لكن مشروعات تظل شغالة على مدار السنة وبالتالي دي كلها عوامل جذب وفرص عمل للشباب المصري إن هيبقى مستقر ويتوطن في هذه المناطق”.
وانتقد ما حدث في الساحل خلال الـ 30 إلى 40 سنة الماضية، قائلاً: “الخطأ اللي كان موجود من 30 أو 40 سنة إنها تبقى مجرد بعض المنتجعات اللي بتشتغل شهرين في السنة وتقفل بعد كده لعدد محدود من الناس”.
وتابع: “إنما النهارده، مقومات الساحل الشمالي مقومات جاذبة جدا للسياحة وأساس التنمية بتاعته وتطويره إنه يبقى قائم على السياحة، فبالتالي لازم نبقى مبسوطين إننا بنشوف في جذب لاستثمارات أجنبية ومحلية وإن في تسارع على تنمية مشروعات سياحية”.
وقال رئيس الوزراء إن في عشرات الألوف من الغرف الفندقية بتتبني دلوقتي سواء الدولة اللي بتبنيها أو القطاع الخاص، وهذا سيترجم لفرص عمل ومليارات من الدولارات اللي المفروض إن شاء الله هتكون عائد على الدولة”.
وذكر رئيس الوزراء مشروع “علم الروم” في محافظة مطروح الذي يتم تنفيذه “مع شراكة قطرية والدولة المصرية موجودة في هذا المشروع العملاق”.
وأشار أيضا إلى مشروع القطار السريع قائلاً: “شفنا كمان يمكن محطة القطار السريع.. الخط الأول من المشروع العملاق لشبكة القطارات السريعة اللي برضو بتخدم عملية التنمية، بدل ما كان الناس بتتحرك من وإلى من القاهرة لمطروح في ساعات كثيرة، هذه الشبكة سوف تساعد إنه خلال ساعتين أو ثلاثة يقدر للمواطن أن يتحرك ليس فقط بين القاهرة ومطروح ولكن من العين السخنة لغاية مطروح وان شاء الله يكتمل حتى السلوم”.
اقرأ أيضا: 100 يوم على انطلاق كأس العالم تحت 17 سنة FIFA قطر 2026
