أخبار الأهلي : مرتضي للخطيب : أنا أقدم منك فى عضوية الأهلي وأعرف قيمة القلعة الحمراء

أخبار الأهلي : وجه مرتضى منصور، رئيس نادي الزمالك نصائح خاصة إلى محمود الخطيب، رئيس النادي الأهلي، وذلك بعد الأنباء التي ترددت عن نية الأهلي في تقديم شكوى للاتحاد الدولي لكرة القدم “فيفا”، حال قيد الزمالك صفقاته الشتوية.

وقال مرتضى منصور، في فيديو نشره عبر صفحته الرسمية على موقع “يوتيوب”: ” “بدل ما أنت رايح تشتكي لاعيبة مسجلة فعلاً على السيستم، شوف اللاعب اللي عندك الهارب، الاتحاد الدولي وقتها قال مايشاركش وشارك واحنا لم نتقدم بأي شكوى عشان مش عاوزين مشاكل، أنا بتجنب أي مشكلة مع الأهلي مش عشان محمود الخطيب، ولكن عشان البلد حتى لا تحدث أي فتنة”.

وأضاف: “بصرف النظر عن الخلاف بيني وبين ومحمود الخطيب، بقول تاني النادي الأهلي كمؤسسة رياضية لها كل الاحترام والتقدير بتاريخها العريق ببطولاتها بجمعيتها العمومية بجماهيره، إنما المشكلة بيني وبين ومحمود الخطيب، هتنتهي قضائيًا أو رضائيًا في يوم من الأيام”.

وتابع: “مش عشان المشكلة بيني وبينه هنخلي الجماهير تولع في بعض وهذه نصيحتي لمحمود الخطيب، أنا بقالي 17 سنة كرئيس نادي فعندي خبرة، وأنا عضو عامل في النادي الأهلي من 74ويشرفني ذلك رغم ده بيزعل بعض الزملكاوية، فأنا أقدم منك في العضوية، عشان كده أنا عارف قدر الأهلي وقيمة الأهلي زي ما أنا عارف قدر وقيمة نادي الزمالك العظيم”.