وعن كهربا قال شوبير: «هناك جلسة جمعت بين كهربا وسيد عبدالحفيظ من يومين، لكن لم تشهد سوى تقديم بعض الوعود، وكهربا لديه انطباع إن الأهلي هيستغني عنه».
وأضاف حارس مرمى الأهلي الأسبق: «المعلومة اللي عندي ان الأهلي عايز يساعد، بس مش عايز يدفع الـ40 مليون كلهم، وبرضه كهربا عايز يعرف رأسه من رجله».
سبب تأخر الأهلي في دفع غرامة كهربا
وتحدث أحمد شوبير عن أسباب تاخر الأهلي في سداد الغرامة حتى الآن، قائلا: «اللي مخلي الأهلي مقدم رجل ومأخر رجل إن الفلوس دي هتروح نادي الزمالك، وبالتالي ممكن يستغلها في صفقات، وبالتالي بيحاول يأخر حتى انتهاء موسم الانتقالات، ويبدأ ياخد خطوة».
وأضاف نائب رئيس اتحاد الكرة الأسبق: «حرام كهربا اللي باع وضحى بكل حاجة عشان الأهلي تكون النهاية إنه يعتزل وهو عنده 28 سنة».
ولفت أحمد شوبير إلى أنه «هيكون في اتصال تاني بين كهربا وسيد عبدالحفيظ، خلال الساعات المقبلة، ولازم يكون في وضوح، وأنا شايف إن حل انتقال كهربا إلى المصري مجانا، ودفع الغرامة هيكون رائع».
عودة رمضان صبحي
عودة رمضان صبحي: «الأهلي قافل القصة دي تماما، وعندي معلومة إن واحد من المقربين جدا من محمود الخطيب، حاول كثيرا إقناعه بهذا الأمر، لكن الخطيب لم يرد نهائيا في هذا الأمر».
وانتقل نائب رئيس اتحاد الكرة الأسبق، للحديث عن أنباء عودة أحمد فتحي إلى القلعة الحمراء مجددًا، قائلا: «فتحي موقفه مختلف، مشي بشكل محترم من الأهلي، ومفيش حد زعلان منه، ولا عنده مشكلات مع حد في النادي، لكن مفيش أي حاجة بخصوص عودته مرة أخرى، وموقفه محسوم».
