الأهلي نيوز : نقاط ضعف كارتيرون وكيف يستغلها فايلر في لقاء السوبر

الأهلي نيوز : كارتيرون مدرب جيد يلعب على نقاط ضعف المنافس اكتر من تفكيره في

نقاط قوته هو طول الوقت عنده مشكلة ، طبيعة اداء الأهلي حاليا هي طبيعة الاداء اللي

كارتيرون بيحب يلعب في مواجهتها فرق هي اللي بتمتلك الاستحواذ بتدافع دفاع متقدم

نسبيا وبتضغط في اماكن متقدمة وعندها نزعة هجومية بينتج عنها ثغرات دفاعية.

الأهلي نيوز : كارتيرون مدرب رد الفعل

 

الأهلي نيوز : أمام  كارتيرون في ماتش السوبر تستطيع خلق عدد كبير من الفرص ودة

عيبه القاتل كرد فعل لدرجه ان في مباراة حرس الحدود نجح الحرس انه يعمل امام

الاهلي ١٤ محاولة مقابل ٥ لينا ومع ذلك كسب الاهلي ٢ / ٠ قوتك في سحق فكرة

كارتيرون في انك تستغل انك هتوصل لمرماه بسهوله وانه هيسيبك تستحوذ وان انهاء

الهجمة دقته تكون عالية كل شئ امام كارتيرون يتعلق بدقة انهاء الهجمة لانك لو سجلت

بدري مع كل محاولة من كاريرون لتدارك الامر بيفشل اكتر لانه عاجز يكون فعل مش رد

فعل. ودة اللي حصل مع الترجي في نهائي ٢٠١٨.

 

الأهلي نيوز : الترجي على ملعبنا عمل ٩ محاولات نفس عدد محاولاتنا بس سجل هدف

وحيد فقط والاهلي مع كارتيرون سجل ٣ ووقع الترجي في الفخ انما في العودة كارتيرون

كان هينجح في نصب الفخ تاني للترجي لو كنا تجاوزنا الدقيقة ٤٥ و ٤٩ ثانية لو سعد بقير

ام يسجل هدف الترجي الاول قبل نهاية الشوط بلحظات وهنا انهارت كل قدرات كارتيرون

ووقف عاجز

 

الأهلي نيوز : فايلر عنده كنز اسمه معلول ووليد سليمان اللي كانوا قلب وعقل رحلة

كارتيرون في الاهلي وسامي قمصان المدرب اللي كان شاهد على الكواليس الفنية .

فايلر لازم يقعد معاهم ويتكلم معاهم عن افكار كارتيرون وكان بيطلب ايه من الفريق في

حالة فقد الكرة وفي حاله امتلاكها ، كانت تعليماته ايه في الكرات الثابتة ، كانت تعليماته

في الرقابه الدفاعية ايه وللاجنحة ايه ، كان بيطلب ال overlapping بين الجناح والظهير

يتعمل لداخل ولا لخارج الملعب.حتى تحضيره النفسي ليهم كان ازاي ، خطبة الحماسية

كان بيقول فيها ايه ، ايه اكثر ما كان يخشاه واكثر ما كان يحبه . كرة القدم صراع بين افكار

وكل فكرة ومعلومة بتعرفها بتخليك تكتسب افضلية على المنافس ودة اللي لازم يعمله

فايلر في رحلة قتل أفكار كارتيرون الرجل الذي لا يحب ان يتولى المبادرة.

محمد فارس

اترك تعليق

لن يتم نشر عنوان بريدك الإلكتروني

تعليق 1
  1. الجماهير يقول

    دا كلام فاضى المهم اللاعبين فى الملعب رجالة ولا لأ المفروض قتال حتى اخر نفس لمنع توغل هؤلاء الطامعين وإن شاء الله سوف يفوز الأهلى بعرق رجاله وجهودهم

Ads Blocker Image Powered by Code Help Pro

تم اكتشاف مانع الإعلانات !!!

لقد اكتشفنا أنك تستخدم ملحقات لمنع الإعلانات. يرجى دعمنا عن طريق تعطيل مانع الإعلانات.

Powered By
100% Free SEO Tools - Tool Kits PRO