مقالات القراء

الأهلي نيوز : رسالة وأسئله للرافضين لصلح الأهلي مع تركي أل شيخ

الأهلي نيوز : افضل ماقاله تركي ال الشيخ هو اعتراف صريح بقيمة الاهلي ومكانته

وشموخه الاهلي لا ركع لتركي لما كان رئيس شرفي ولا ركع بعد مامشى ولا ركع عشان

يرجع ، البوست ده موجه للاصدقاء ال رافضين المبادره او فكره الصلح مع تركي ، لان

مقدرش اتجاهل ردود الافعال السلبيه او الرافضه لمبادرة تركي بالعكس انا حاسه

باحساسهم وبال في دماغهم كلنا عشنا فتره صعبه جدا وانا واحده من الناس من كثر

الشحن ومن كثر ردي عليه اتعملى حظر لصفحته

الأهلي نيوز : قطاع من جماهير الأهلي يرفض المصالحة

 

الأهلي نيوز: وردود الافعال دي كانت غيره علي الخطيب والمجلس واسم الاهلي الكبير

وكنا بمثابة حائط الصد للفريق والنادي ضده وفي ناس اتسجنت وناس اترفع عليها قضايا

ومبدئيا لازم نعترف ان احنا كنا خفاف وغرزه مرتضى لعبت على وتر كرامتنا ومبادئنا ورددوا

كلام معندناش كفيل واحنا رددنا كلامهم وبقى عندنا وسواس أن تركي بيتدخل تركي مش

هيمشينا والمجلس عشان يثبت لجماهيره ان مفيش حد يقدر يمشينا اتكلم بيبو بكده

صراحه وقال ولا تركي ولا غيره يخلينا نغير مبادئنا اهلا به كمستثمر …. ومع شخصية

تركي ال بتحب الشو الدنيا خربت واتحول الامر لتحدي وحرب مع حد معاه نفوذ وسلطه

ومال اشترى كل ال في المنظومه الفاسده وطبعا بشعلله مرتضى وغرزة امير واستفادوا اقصى استفاده

الأهلي نيوز:أسئلة هامة عن أزمة تركي

 

الأهلي نيوز: هناك عدة أسئلة

١) احنا موقفنا السابق كان ليه؟ مش دفاع عن الاهلي و مصلحة الاهلي واسم الاهلي!؟

٢)طب هل مصلحة الاهلي حاليا في استمرار الحرب دي رغم الايد الممدوده بالصلح؟

٣) هل مصلحة الناس المسجونه ولا المرفوع عليهم قضايا في استمرار حالة الحرب دي؟

هيخرجوا مثلا ؟ ولا الدوله هتقف معاهم واحنا معاديين تركي المستثمر ؟! ولا سهل جدا

الناس دي تخرج والقضايا تتقفل لو الحرب انتهت

تركي آل الشيخ

 

الأهلي نيوز :٤) هل من مصلحة الاهلي اننا نرفض المبادره الجديده عشان نجدد الحرب

ثانى ويرجع تانى عايز ينتقم ويثور لكرامته ويمويل الزمالك المنافس ويرجع للكتابه ال

بتحرق دمنا وبيستغلوها الزمالكاويه كمادة للسخريه ، و يشتري كل المنظومه ويسخرها

للحرب ع الاهلي وانسوا بقى الجماهير ف الوقت ال المنافس بيدخل الجماهير ال هو

عايزها ، ٥) هل من مصلحة الاهلي ان مرتضى وميكروباصهم يفضلوا يقلوا في ادبهم

ويتكلموا عن تركي والساعات ولا يتخرصوا للابد ومحدش يقدر يفتح بوقه ولسانه يتقطع وتركي هو ال ينهى على سطوة مرتضى

 

الأهلي نيوز : ياريت نفكر ونجاوب بهدوء احنا كلنا اخدنا موقف ضد تركي مساند للمجلس

عشان الاهلي واسم الاهلي ومصلحته يبقى لما تحصل مبادره قويه زي دي للمرة الرابعه

او الخامسه منه هو ( مش احنا ال جرينا عليه ) لانهاء حالة الحرب دي هل من مصلحتنا

كأهلي اننا نرفضها ونشعلل الدنيا تانى من اول وجديد لانه اكيد هيثور على كرامته ولا

نقول اهلا وسهلا في ضوء مباديء الاهلي وقيمه نفس المباديء ال احنا صممنا عليها زمان والمجلس أصر عليها وتسبب اصراره ف الحرب دي

الأهلي نيوز: لن نتخلي عن مجلس الأهلي

 

الأهلي نيوز: فبأي منطق متخيلين اننا ممكن نتخلى عنها او المجلس هيضحى بيها

دلوقتي ؟! ماهو مكناش بقى من الاول قولناله مالكش مكان والناس ال شايفه ان كلمة

الصلح معناها ضعف لو كان الصلح والتسامح ضعف مكنش ربنا قال وان جنحوا للسلم

فاجنح لها … والصلح خير .. فاعفوا واصفحوا ان الله يحب المحسنين والرسول قال خيركم

الذي يبدأ بالسلام ياريت نعلى مصلحة الاهلي كعادتنا مطلوب فقط شويه هدوء عشان

مصلحة الاهلي مع ثقه في المجلس ال وقف في الاول ودخل حرب ضاريه للحفاظ على

قيم النادي واستحاله يضيعها نسيبهم يشوفوا ال هيناسب الاهلي ومصلحته في ضوء

قيمه ومبادئه من غير ضغوط مننا تؤثر على مصلحة النادي

Engy El Zeny
الوسوم

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق