الأهلي اليوم : جماهير الأهلي للإدارة : لن نتنازل عن صفقة كهربا في يناير

الأهلي اليوم : مازالت جماهير الأهلي متمسكه بضم محمود عبدالمنعم كهربا ، لصفوف الفريق ،

خلال فترة الإنتقالات الشتوية القادمة ، ووجهت الجماهير رساله لإدارة النادي قائلة ” فنيًا

لو هتتكلم عن كهربا فأنت بتتكلم عن أكتر جناح في الدوري مشارك في أهداف وكان

سبب رئيسي في فوز الزمالك بالمركز التاني، لاعب بشخصية الأهلي، اتربى في النادي وعارف قيمته ..

الأهلي اليوم : الأهلي يحتاج لكهربا فنيا

الأهلي اليوم :الأهلي لا يوجد به غير الشحات ورمضان ووليد وجيرالدو والشيخ، وأنت مش

ضامن إنك تقدر تضم رمضان بشكل نهائي، ووليد لو قعد سنة مش هيكمل اللي بعدها،

وجيرالدو والشيخ مقدموش الاضافة اللي أنت محتاجها، فأنت محتاج كهربا فنيًا .. كمان

في وقت من الأوقات الأهلي كان بيلعب نهائي دوري الأبطال، وعنده تريكة ومتعب وبركات

على الدكة، أنت لازم ترجع للعصر ده ولازم الفكر ده هو اللي يسود في النادي، كل ما

تكون الفوارق بين الأساسي وبديله قليلة كل ما هنرجع الأهلي اللي عارفينه .. والرأي الأخير للمدير الفني اللي بنثق فيه

الأهلي اليوم : إنك ترجع وتضرب الزمالك في نجومه ده عين العقل، صفقة كهربا مفيدة جدًا معنويًا،

وهترسخ أفضليتك التاريخية عليهم، وهتأكد يوم بعد يوم إن الأهلي هو طموح لاعيبتهم ،

إحنا اتولدنا وكبرنا على إن الأهلي مش بيفرط في اللي بيتمسك فيه، وتمسك كهربا

بالأهلي واضح ومش محتاج أي مزايدة .. لو اتراجعت عن ضم كهربا، فأنت كده بتقتل جوا

اللاعيبة فكرة إنه يضحي عشانك ، وأخيرًا ؛ بلاش نغلط نفس غلطتنا مع حسين الشحات

اللي سيبناه ورجعنا جبناه بملايين ، نتمنى إن كل الكلام اللي بيتقال عن التراجع عن ضم

كهربا ميكونش حقيقي، وإحنا بنتوقع ده، وبرده الرأي الأخير للمدير الفني اللي بنثق فيه