الأخبار

الأهلي نيوز : أخطر أسلحة الزمالك في لقاء الأهلي .. ونقطة ضعف كبيرة

الأهلي نيوز : غالبا تشكيل الزمالك  في لقاء السوبر أمام الأهلي هيكون هو نفس تشكيل مباراته مع بيراميدز ، – لو لاحظنا فى مباراة بيراميدز و مباراة الزمالك مع الفريق السنغالى كان فيه تفوق واضح ل جون انطوى و مولاى مهاجمى الفرقتين على خط دفاع الزمالك وده لأن الإتنين بيمتازو بالسرعات فى مقابل بطئ شديد جدا ل خط دفاع الزمالك بالكامل ، وهنا هيكون دور وليد أزارو لو سليم ولو مش متاح يبقى لازم صلاح محسن مش حد تانى

الأهلي نيوز : خالد مصطفي أخر أسلحة الزمالك

الأهلي نيوز :  الزمالك لما بيلاعب فريق عنده خط هجوم بيمتاز بالسرعات التكافئ مابيبقاش موجود على ارض الملعب بين خط هجوم الخصم ودفاع الزمالك ، وده بيجبر طارق حامد إنه يتراجع للوراء ل مساندة خط الدفاع وده بيأدى إنه ساسى بيكون وحيد فى نص الملعب وبالتالى بيكون فيه تعليمات ل اوباما إنه ينزل يملى نص الملعب مع ساسى و مع نزول أوباما ل نص الملعب مركز 10 بيبقى فاضى تماما وده إللى بيخلى شيكا يضم للعمق رغم إنه مركزه فى الملعب بيكون وينج وده بيستنزفه بدنيا إلى أقصى حد وبالتالى جبهة حمدى النقاز بتتحول إلى جبهه ضغيفه جدا هجوميا و دفاعيا ودى أهم نقاط ضعف الزمالك دفاعيا

الأهلي نيوز :  بن شرقى بيمتاز ب السرعة والمباغته ، لاعب عشوائى مش منبضط تكتيكيا ماعندوش التزام بواجبات مركزه بالتالى لازم الباك إللى هيلعب عليه ياخد باله ، لأن ميتشو بيستخدم عشوائية بن شرقى أفضل إستخدام وهو إنه من خلالها بيخلق مساحات للقادمين من الخلف زى عبدالشافى واحيانا ساسى إللى بيميل للجبهه الشمال فى حالة دخول شرقى للعمق ، ومصطفى محمد إللى لما بيتخنق دفاعيا بيميل ل الأطراف و أحيانا العمق

الأهلي نيوز :  يبقى أخطر اسلحة الزمالك هو المهاجم مصطفى محمد ب اجادته اللعب ب دماغه وسرعاته وأنه مش بيستسلم للرقابه بسهوله وأحيانا بينزل يستلم من تحت ويسدد أكتر من كرة ودى شفناها فى مباراة الفريق السنغالى و ده محتاج تفاهم كبير جدا بين الإتنين المساكين إللى هيلعبوا عليه

الوسوم

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق