الأهلي اليوم : شقيق حسين الشحات يرد على الهجوم على اللاعب بسبب 150 مليون جنيه

الأهلي اليوم : رد محمد الشحات، شقيق حسين الشحات لاعب الفريق الأول لكرة القدم

بنادي الأهلي، على ما يتردد حول حصول شقيقه على 150 مليون جنيه، في عقده مع

القلعة الحمراء.

وكتب شقيق الشحات، عبر صفحته على فيس بوك: “أنا بقالي فترة كبيرة مليش دعوة

بي الميديا، ومريح دماغي خالص، بس بما إن في حاجه اتقالت في حقنا، لازم أرد، وأرد

بتربيتي اللي أمي ربنا يبارك في عمرها ربتني عليها”.

 

وتابع: “بما إن الظروف هي اللي فرضت نفسها مش حاجة تانية، وبما إن الأيام دي واللي

فاتت الكلام كتير عن قيمة عقود اللاعبين، حابب أقول كلمتين”.

الأهلي اليوم : مفيش حاجة اسمها 150 مليون جنيه

 

واستكمل: “أول حاجة، مبدأ تسريب عقود اللاعيبة أمر مرفوض لأي لاعب وخيانة أمانة،

ثانيا وسط ضغوط كتير وكلام مش حابب أكرره أو أخوض في تفاصيله، بس أظن إن الناس

عرفت دلوقتي إن عمرنا مكنا بنتشرط ونقول يا كذا يا إما مش هنمضي، والناس عرفت إن

مفيش حاجة اسمها 150 مليون، لا قيمة شراء، ولا حتى عقد”.

 

واختتم: “الحمد لله وكفى، اللي اتنازل عنه حسين الشحات، في ناديه السابق، واللي

بياخده في عقده الحالي، اللي أصبح أمام الجميع، بيقول إن الأيام اللي بتلف بتثبت يوم

بعد يوم إن ربنا كبير، وإن نعمة الأهلي كبيرة، وملايين الدنيا متساويش نعمة تي شيرت

الأهلي، ربنا كريم، وإن شاء الله خير، وكل حاجة ترجع، وإن شاء الله حسين، يكون في

حالة أفضل من اللي كان عليهت، وإن شاء الله نشوف نادي الأهلي، بتاعنا تاني”.