الأهلي نيوز : أوجه الأختلاف بين لقاء الأهلي وصن داونز في بروتوريا

الأهلي نيوز : علي النقيض تمام المشهد الحالي، الفريق ماشي بشكل طبيعي دون ضغط وبأداء ممتاز. إنتصارات الدوري مش إنتصارات لمجرد الانتصار ولا ناتجة عن مجهود فردي أو مصحوبة بعقم هجومي ينتهي بهدف ف الدقائق الأخيرة. ولا موجود المساحات وتباعد الخطوط وعشوائية مفرطة مسيطرة ع الحالة الفنية زي فترة لاسارتي. فايلر مقدم نسخة قوية ع المستوي الهجومي ونسخة جيدة ع المستوي الدفاعي مش محتاجين نتكلم عنها بالإضافة إنه بارع جدا ف نقطة دراسة المنافس ومعرفة أدق تفاصيله.

الأهلي نيوز : الفريق من يوم 20 ل 29 فبراير لم يخوض غير ماتش الذهاب ثم رحلة الطيران الطويلة يوم 1 مارس والوصول قبل الماتش ب 5 أيام كافيين للراحة من السفر والإستعداد البدني والذهني والفني والتعود ع أجواء المدينة والملعب، يعني التيم اللي هيلعب العودة بعيدا تماما عن أي إرهاق او إجهاد عكس الرحلة السابقة تماما. شئ تاني وهو إن الفريق بعد كل الظروف الجيدة دي هيلعب العودة وهو منتصر ف ماتش الذهاب، هيلعب وهو كاسر رهبة صن داونز ومسجل فيه هدفين وعامل عليه ماتش قوي ودي نقطة تعزز موقفنا اكتر.

الأهلي نيوز : لا داعي للقلق وإن صعودنا من هناك مش صعب، تفاصيل صغيرة قادرة تفرق معانا لو قدرنا نستغلها صح زي التواجد القوي ذهنيا ونفسيا والتركيز الشديد ف الملعب، إحنا أفضل بكتير من قبل كده وظروف الهزيمة السابقة ملهاش أي وجود حاليا… فبإذن الله صاعدين.

Ahmad Haswa