الأهلي نيوز : كهربا سلاح الأهلي الفتاك في لقاء السوبر أمام الزمالك

الأهلي نيوز : يعتبر محمود عبدالمنعم كهربا ، لاعب وسط الأهلي ، هو أخطر الأسلحة في لقاء القمة ، لإن قدراته كوينج متحرر مش عادية وسرعته مع خطورته ومهاراته وتمريراته وتحركاته ولا مركزيته وذكاءه وحلوله وأرقامه خطر على أقوى دفاع ومصدر قلق لأكبر مدرب وكل مشجع ، وكل ده ترجم إحصائياته المخيفة وتسجيله ل٧٣ هدف وصناعته ل٣٥ بمجموع مشاركة في ١٠٨ هدف للاعب في منتصف العشرينات، وده توجه كأفضل لاعب مصري رقميا في العقد الحالي بعد صلاح لإن مفيش لاعب غيره سواء محترف أو في الأهلي أو الزمالك أو أي نادي حقق هذه الأرقام

الأهلي نيوز : كهربا صاحب أرقام قياسية

الأهلي نيوز : الأهلي لو تعاقد مع ناشئ بيشنعوا ضده كل الحملات وبيحاولوا يغتالوه معنويا ما بالك لاعب بالنجاحات دي وكان عندهم كمان ونجمهم الأول وفجأة وبالمجان بقى عندك وبعد سيناريو درامي وهيلعب ضدهم! متخيل حجم العداء والكراهية ومدى الضغط اللي هيصدرهوله؟! اللي بيميز كهربا شخصيته وده ظهر معاهم في ٢٠١٥ وهو بيلاعب الأهلي لوحده في نهائي الكأس والسوبر، وفي الكونفدرالية أمام النجم بعد الخماسية وهو نجم المباراة وبيسجل هدفين، والموسم الماضي وهو شايل هجومهم وجابلهم أول بطولة قارية بعد ١٧ سنة

الأهلي نيوز : وفي السعودية وهو ثاني هداف الدوري وبيسجل في كل الكبار الهلال والنصر والأهلي والإتحاد وأتليتكو وديا، ومع المنتخب وهدفه القاتل في المغرب، ومعانا وهو ملعبش ٩٠ دقيقة على بعضها وبيساهم في ٦ أهداف ، كهربا لازم عليه أن  يستحضر كل خبراته دي وكل المواقف الصعبة اللي مر بيها وضغوط كل تجربة ويستفيد من قوة شخصيته ويتوقع أي حاجة منهم ويتوقع هجوم جماهيرهم عليه وصافراتهم ضده ال٩٠ دقيقة، ويتوقع استفزاز لاعيبتهم بتعليمات من المختل

الأهلي نيوز : كهربا مطالب بالهدوء في السوبر

الأهلي نيوز :  كهربا عليه أن يتعامل مع كل الإحتمالات المؤكدة دي ببرود تام ويبعد عن أي عصبية، يبقى أبرد خلق الله، ويسمع قرأن في الأتوبيس ويزيل عن نفسه أي ضغط أو قلق، وينزل الملعب بلبانته والقطنة في أذنه والإبتسامه على وجهه متفارقهوش، ولازم يعرف أن أي عصبية مش في مصلحته وهتشتته وهتفقده تركيزه وهيبقى أقل لاعب في الملعب

Mahmoud Ashraf