في المنطقة دي . كنت بميل لضغط اعلى كمان ولكن اكيد فايلر خاف من النتيجة
الأهلي نيوز : دفاعيا يوجد مشاكل في التمركز والارتداد وعمل العمق نتيجة عدم وجود
ايمن اشرف في مركز وسرحان ربيعة في بعض اللقطات وان كان هو رائع في استخلاص
الكرة من اللعب المباشر الاكثر ١٤ مرة ، واحدة من افضل مباريات السولية دفاعيا الاكثر
استخلاص للكرة بنفس رقم ربيعه ١٤ مرة و دقة تمرير ٩٣ % مع العلم ١١ % فقط تمريرات للخلف
الأهلي نيوز : هجوميا الجميل كان فكرة التبديل لاهداف فنية توظيف قفشة ك ١٠ ولعب
ديانج ونزول ازارو ومشاركة الشيخ . وتسجيل ٢ من البدلاء لاهداف دي بتحسب للمدرب.
تغييرات كلها افكار فنية بتكمل بعضها وان المدرب عايش المباراة خارج الخط. فايلر بيعمل
المداورة خارج وداخل الملعب من غير ما نحس ودة مهم جدا لفايلر تحديدا لانها من نقاط
ضعفة قبل كدة كمدرب.
الأهلي نيوز : أرقام مميزة لرمضان
الأهلي نيوز : لاول مرة في تاريخه رمضان صبحي بيسجل ٤ اهداف في ٥ مباريات في
الدوري ده غير صناعته لهدف. رمضان انهاردة بس له ٤ محاولات على المرمى في الوقت
اللي في الدور التاني كله من الموسم الماضي كان له هدفين فقط و ٢٠ محاولة على
المرمى الارقام دي مش عشوائية ومش صدفه دى مرتبطه بتوظيف اللاعب والتعليمات
اللي بياخدها ، الشحات On Fire ومن غير ما يجيب جول في دي خيا وفلوسه تبقى
اتدفعت على الفاضي زي صاحبنا. الشحات بيواصل المشاركة في الهدف ال ١٩ مع
الأهلي في اخر ١١٦١ دقيقة سجل ١١ وصنع ٨ 👐
