الأهلي اليوم : أهم مكاسب الأهلي من لقاء أطلع برة .. وأنطلاقة الشحات
الأهلي اليوم : بالرغم من الفوز العريض والتاريخي لفريق الأهلي علي أطلع برة في بطولة دوري أبطال أفريقيا بنتيجة 9/0 ،
لكنه يبقي في النهاية فوز خادع بسبب المستوي المتدني للـمنافس لكن في بعض النقاط المضيئة في المباراة اللي لازم نتكلم عنها
الأهلي اليوم : مكاسب عديدة للأهلي في لقاء أطلع برة
الأهلي اليوم { حسين الشحات } : مستواه في تطور مستمر بفضل تحركاتة المميزة من
غير كورة من قلب الملعب دة غير إنكار الذات اللي بيتمتع بيه في كل فرصة من الفرص
اللي بتتاح ليه عشان تقدر تاخد أفضل حاجة من حسين الشحات لازم تديلة { الحرية }
في الملعب وتخليه يلعب من غير قيود وبلغة الكورة متحجموش في مركز معين
الأهلي اليوم : { قفشة } لاعب مميز جدا بالتمريرات البينية في ضهر المدافعين وبيمتلك
قدم حساسة جدا يقدر بيها إنه يوصلك الكورة في التوقيت والمكان المناسب لاهي طويلة
ولا قصيرة ولاوسريعة ولابطيئة 👌 الملحوظة الوحيدة علي مستواة هو إنخفاض المعدل
البدني ليه في الشوط التاني من وقت ماكان بيلعب في الأسيوطي
الأهلي اليوم : حمدي فتحي : الجوهرة اللي طالما بحث الأهلي عنها في نص الملعب ،
ال كما يجب أن يكون ، توازن كبير جدا مابين الواجبات الدفاعية والهجومية بالإضافة للـ قوة
والشراسة والجدية في الإلتحامات البدينة + التميز الكبير في مهارة التسليم والتسلم {
صلاح محسن } ياريت نهدي شوية عليه لإن اللاعب لسه صغير والإشادة المبالغ فيها دي
ممكن تقلب معاة بنتيجة عكسية لكن مؤكد طبعا إنه لاعب واعد جدا ولو خد فرصة بشكل
جيد هتظهر قدراته وإمكانياته الكبيرة خصوصا إنه ” جعان كورة ” بلغتنا الدارجة وال Finish عندة مميز جدا