الأهلي نيوز : أوروجوياني جديد مرشح بقوة لتولي تدريب الأهلي
الأهلي نيوز : اللاوروجوياني خورخي فوساتي ٦٦ سنة مرشح لتدريب الأهلي ، فوساتي مدرب مرن جدا تكتيكيا بس هو من المرشحين القلائل اللي بيلعب ٣ ٤ ٣ ودى طريقة العودة ليها ممكن تفرق مع الاهلي كتير جدا دفاعيا ، فوساتي تجربته الاخيرة مع الاهلي السعودي كانت في نص الموسم خلفا لبابلو جويدي وفي رأيي كان اختبار غير موفق لفوساتي اللي كشف بعد كدة الكوارث اللي داخل الفريق وان الفريق فيه كواليس تخليه مستحيل ينجح
الأهلي نيوز : فوساتي مدرب يقدم كرة ممتعة
الأهلي نيوز : تجارب فوساتي الاخرى ممتعه حقق بطولات متنوعة في اوروجواي ودرب منتخب اوروجواي في ٢٠٠٤ و وحقق عصر ذهبي مع السد ٦ بطولات منهم دوري ابطال اسيا يعني فاهم يعني ايه بطولات قارية. ورجع وحقق الدوري مع الريان ، فوساتي بيلعب اوقات كتير بثنائي هجومي وتغييراته هجومية جدا وفي نفس الوقت ذكي جدا دفاعيا. فوساتي من اكتر المدربين المعروضين اللي لو هنحط نسب للشخصية والبطولات والاداء الجيد فهياخد نسب كبيرة جدا في التلاتة.
الأهلي نيوز : اللي زي فوساتي اكبر دليل ان المدرب الاجنبي عنده علم وشخصية مختلفة بس بشرط تختار الاجنبي اللي عنده المقومات دى . فوساتي من اشطر المدربين في العودة للطريق الصحيح لو في المقومات اللي محتاجه حد يوظفها صح