أخبار الأهلي : الخطأ الوحيد لإدارة الأهلي في أزمة عبدالله السعيد

أخبار الأهلي : عبدالله السعيد ومن ماتش السوبر امام الزمالك في الامارات اللي انتهي

بفوز الزمالك والاهلي بيحاول يجدد عقده ولكن كان في اختلافات واضحة علي المقابل المادي ،

عبدالله كان عقده ما يوازي او يقترب من 7 مليون وطلب ان العقد الجديد يكون 20 مليون جنيه ..

اي بزيادة توازي 13 مليون في الموسم الواحد ، وقتها ادارة الاهلي قالت ده مستحيل

وكتير واخرنا ندفع 10 مليون في الموسم الواحد .. في حين عبدالله رفض وقال ممكن انزل مطالبي لحوالي 15 مليون جنيه…

أخبار الأهلي : وبعد الشد والجذب والتوقيع للزمالك وبعد كدة حركة ” للخلف در” والتجديد

للاهلي لما الفلوس جهزت وبعد كدة الاستغناء… انتهى مشوار عبدالله مع الاهلي للابد

واصبحت علاقته فعليا بيه وبجماهيره في “عداد الاموات”، ادارة الاهلي لغاية هنا موقفها سليم

أخبار الأهلي : الغلط في ان الادارة في الميركاتو الشتوي الاخير كسرت الحدود الاقصي

للفئة الاولى عندها سواء فيما يخص قيمة التعاقد او قيمة الراتب السنوي لبعض اللاعبين

اللي فعلا دلوقتي بياخدوا اكتر من 10 مليون في السنة الواحدة حتي لو متضمن جزء من اعلانات خارجية…

وبالتالي هنا في سؤال هيطرح ويفرض نفسه .. طالما الادارة كان عندها القدرة المالية انها تزود المقابل ..

ليه لم يكن هناك بعض التساهل والتجاوب بعض الشيئ مع طلبات عبدالله خصوصا وانه كان من اعمدة الفريق الاساسية وقتها؟!!

أخبار الأهلي : جمهور الأهلي كان سيرفض إستمرار السعيد

أخبار الأهلي : وبالتالي الموقف ده وضح ان الادارة لم تدير الملف بشكل جيد يفيد الفريق ،

لكن هل ده مثلا مبرر لعبدالله انه يروح يحاول اللعب علي سلم الزمالك اولا وبعد كدة يرجع لسلم الاهلي تاني للخروج بافضل المكاسب المادية الممكنة؟…

الاجابة طبعا لا ومليون لا.. لان ببساطة هنا هو نسي ان الاهلي عند جمهور مش هيقبل حركة زي اللي اتعملت ،

إدارة الاهلي نفسها والكابتن محمود الخطيب نفسه لو كانوا حتي وافقوا ان عبدالله يكمل

تعاقده مع الفريق بعد ظهور صور توقيعه للزمالك .. كان الجمهور هيرفض.لذلك حل الاستغناء كان الحل الامثل من الادارة للموقف..

كريم سعيد