الأهلي اليوم : أسرار جديدة في أزمة السعيد ولماذا قرار الأهلي صحيح 100%
الأهلي اليوم : بدون ادني شك وبكل تأكيد يصل لنسبة 100% قرار الاهلي بعرض عبدالله السعيد للبيع كان صحيح تماما ..
واللي يحاول يفسره انه كان نتيجة اختلاف في وجهات النظر المالية او تأمين المستقبل
والكلام ده يبقي ” بيضلل” المتابعين ولا الحقيقة كاملة ، عبدالله السعيد كان من حقه
تماما انه ينهي تعاقده مع الاهلي وميجددش طالما مكنش عجبه العرض المالي .. لكن
مكنش من حقه اللعب علي السلم .. لان الاسلوب ده دايما وابدا مرفوض في الاهلي …
الأهلي اليوم : الأهلي أتخذ القرار الصحيح في أزمة السعيد
الأهلي اليوم : الاهلي تعاقدج كثيرا مع لاعبين من اندية تانية طبقا للاحتراف زي طارق
السعيد ومحمد صديق واينو وغيرهم .. وطالما اللاعب تمسك بالاهلي فالتعاقد كان بيكمل
عادي .. وحتي لو اللاعب حب يتراجع عن التعاقد لاي سبب كان الاهلي بيحترم ده زي ما
حصل مثلا مع وائل القباني من الزمالك وحمزة الجمل من الاسماعيلي ،لكن عبدالله في
البداية طلب زيادة في العقد زيه زي اي لاعب له قيمته في الفريق .. والادارة رفضت وديه
النقطة الوحيدة اللي ممكن نحاسب فيها الادارة لو هي فعلا حاطة سقف للتعاقدات ويسري علي الجميع…
الأهلي اليوم : أخطاء عبدالله السعيد
الأهلي اليوم : وعندما ذهب السعيد ” متحفي ومداري” ومضي واتصور لنادي الزمالك ..
فهذا حقه لانه كان في فترة الـ6 شهور الاخيرة في عقده واللي من حقه فيها يمضي لاي
نادي أخر ، لكن عبدالله غلط غلطة عمره لما رجع وجدد للاهلي لما لقي ” شنطة”
الفلوس زادت.. لان جماهير الاهلي مكنتش هترحمه لما تطلع صور توقيعه للزمالك وهو ما
حدث فعلا لما مسؤولي الزمالك حبوا يحرقوه ،هي ديه الغلطة الكبيرة اللي عبدالله وقع
فيها… طالما انت لاعب محترف… يبقي كان لازم تحترم قرارك الاول لما قررت تمضي للزمالك وتسيب الاهلي..
الأهلي اليوم : وبكل تأكيد اسم عبدالله السعيد كبير فنيا في الكرة المصرية حاليا .. ولاعب
فعلا له قيمته واهميته… لكن فعليا برضو اسمه اتسطر عند جماهير الاهلي في نفس
اللستة بتاعت من سبقوه في نفس الافعال مع النادي . واستحالة في المستقبل اسمه يتقارن بأي شيئ يخص الاهلي .. حتي بعد ما يبطل كرة…
كريم سعيد