أخبار الأهلي : سر نجاح جوزيه وفشل كل المدربين الأجانب من بعده في الأهلي ؟

أخبار الأهلي : بعد مانويل جوزيه  البعض نجح في تحقيق البطولات والبعض فشل في

تحقيقها بس اللي الجميع فشل فيه هو تغيير ثقافة اللاعب انك يكون لك بصمة على

شخصية اللاعب عشان فنياته متتحولش لطفرة وقتية ، اغلب المدربين الأجانب اللي دربوا

الأهلي بعد جوزية كانت سيرتهم الذاتية اقوى من جوزية اما جه الأهلي بس محدش فيهم

عرف يتعامل مع عقلية اللاعب المصري زي جوزية . جوزية كان مايسترو في تكوين

الشخصيات و تفيير ثقافة الاعبين وزرع الانتماء وتغيير مفاهيم النجومية عندهم .

أخبار الأهلي : جوزية نجح في صناعة جيل ذهبي

أخبار الأهلي : جوزية مستلمش جيل ذهبي جوزية صنع جيل ذهبي لأنه بنى شخصية جيل ٢٠٠٥ .

حول تريكة من لاعب شخصيته عادية جدا ومحل شك وملعبش تحت ضغط بطولات

ومحسن صالح قال عليه لا يصلح على المستوى الدولي للاعب الهدوء بتاعه لا يتعارض

مع توحشه الكروي حوله حرفيا لقاتل مبتسم علمه كل حاجة ازاي يوزع جهده ازاي يلعب

ضربات حرة ازاي يقرأ ازاي يكون مثقف بشكل مختلف جوزية كان بيكره اللاعب الجاهل .

أخبار الأهلي : ازاي اعاد بركات للحياة بعد ما كانت الاشاعات بتقول ان الاهلي اتخدع في

الصفقة لما جاب لاعب عنده مشكلة صحية . ازاي جوزية لمع اسم النحاس وحوله لصانع

العاب من مركز الليبرو . ازاي بيتحمل الضغط لما راهن على فلافيو مسمعش لجمهور او

اعلام او صحافة متهزش لحظة فضل يدي الثقة لفلافيو يديله ضربات جزاء وهو في اسوء

حالاته فيضيعها فيديله تاني يغيير كل التشكيل ويحتفظ بيه كأساسي فكرة انا هفرض قناعاتي عليكم ومش هتراجع .

أخبار الأهلي : جوزيه أعاد ثقافة القتال للأهلي

أخبار الأهلي : جوزية مش مدرب صنعه لاعبين جوزية رجع بعد تجربة البدري ٢٠١٠

والفريق منهار محليا وانقذ جوزية الاهلي في دوري تاريخي جوزية رجع تاني زرع في

اللاعيية ثقافة القتال من اجل البطولة مش بس في الدوري دة حتى في مباراة الملعب

المالي اللي عملنا فيها comeback تريكة التاريخي ٣ / ١ . واعد الفريق نفسيا وفنيا اللي اخد بعد كدة دوري الابطال ٢٠١٢ و ٢٠١٣

أخبار الأهلي : الحدوتة اللي ورا اكتر من ٢٥ بطولة حققهم الأهلي مع جوزية أعظم بكتير

من ال ٢٥ بطولة نفسهم . ازاي تفرض احترامك على الجميع ازاي تحول الزمالك لنادي

ترفيهي لفريقك ازاي تنيم افريقيا من المغرب ازاي تصنع اسطورتك اللي كل خصومك

عاجزين عن ايقافها ، كل عام وانت الأعظم على الاطلاق والأفضل ابدا ودائما

محمد فارس