شاهد.. لاعب الزمالك يفضح الإدارة

شن محمد طارق لاعب نادي الزمالك، والمنتخب الأولمبي، هجومًا لاذعًا على إدارة الأبيض برئاسة حسين لبيب، بعد إعلان غلق باب القيد الصيفي للدوري المصري الممتاز لهذا الموسم 2024-2025.

وأعلن اتحاد الكرة المصري لكرة القدم، إغلاق القيد الصيفي للموسم الجديد للدوري الممتاز 2024-2025، في الثانية عشر صباح اليوم السبت 26 أكتوبر.

وقال محمد طارق في صورة نشرها عبر خاصية ستوري على موقع التواصل الاجتماعي «فيس بوك»: «بعد إغلاق القيد عاوز أقول كلمتين أولا بلاش تتخدعو في الناس والواحد مكنش محتاج حاجه من حد غير شويه احترام وإحترافية في التعامل لكن ده محصلش وانا مبحبش اتكلم كتير بس النهارده انا شبه هقعد شهرين بدون نادي».
وأضاف: «لكن تعالو نعكسها كده لو أنا لاعيب وسبت النادي بتاعي وهو محتاجتي اوي وروحت نادي تاني علشان فلوس أو غيرو الناس والجمهور بيقلبو الدنيا أما لما النادي إلى اتربيت فيه ولعبت وكسبت معاه بطولات وجزء ولو صغير من النادي وابن النادي وأكون راجع من اولمبياد وارجع علشان انزل التمرين واكلم المسؤولين وشهرين محدش يرد ولا يتواصل معاك».

وأكمل: «على فكره معنديش مانع تفسخ معايا عادي جدًا هي ديه الكورة وده جزء من الاحتراف لاكن انتو لا ترتقو انكو تكونو مسؤولين في نادي كبير ولا تعرفو يعني ايه احترام للاعب الصغير قبل الكبير عكس أي نادي تاني».

وأتم محمد طارق حديثه قائلًا: «لكن الجمهور واللاعبين أحب اشكرهم على كل يوم قضيتو داخل النادي وبحبكو جدا وشكرا على كل الحلو إلى عشتو والبطولات إلى خدناها سوا وأسف لو قصرت في يوم من الأيام».