أخبار الأهلي : حقائق حول لاسارتي في لقاء الإنتاج .. وعيوب رمضان وأمر عاجل لمعلول
أخبار الأهلي : الفوز علي الإنتاج الحربي هو الفوز السادس على التوالي للاسارتي في
الدوري ١٨ نقطة من ١٨ في اخر ٦ مباريات سجل فيهم الأهلي ١٠ اهداف واستقبل هدفين فقط ،
الفريق كان يستطيع الفوز بنتيجة كبيرة بسهوله ولكن استمرار اهدار الفرص ١٥ محاولة
على مرمى المنافس مقابل ٤ له . انت انهاردة استحواذ ٧٠ ٪ مقابل ٣٠ ٪ للمنافس ٦٧٣
تمريرة اكتر من ضعف تمريرات المنافس ٢٤٢ ، كل دة شغل مدرب وسط ضغوط
أخبار الأهلي : بصمات لاسارتي واضحه مع الأهلي
أخبار الأهلي :بصمات لاسارتي واضحة في تحركات السولية ودة شغل مدرب مش حماس لاعب .
السولية غير الهدف هو رقم ٨ مثالي تمريرات الامامية ضعف تقريبا تمريراته الخلفية .
٣٤ ٪ تمريرات امامية و ١٧ ٪ فقط للخلف بدقة تمريرات بشكل عام ٩٢ ٪ . السولية وهاني هما اكتر لاعبين تطور مستواهم مع لاسارتي بشغل تكتيكي واضح
أخبار الأهلي : في عيوب واضحة عند رمضان لازم تتعالج بس كمان في مميزات مهمة جدا.
رمضان لسه مش في مستواه كامل بس هو من اهم اللاعبين اللي اضافوا للاهلي فنيا
في الدوري ووصلوه للمنافسه تاني . رمضان بيضيع فرص اه بس حسين كمان بيضيع ٣
فرص محققه اخر ماتشين ودي ميزته اساسا بعكس رمضان بس على الجانب الأخر
رمضان انهاردة خلق ٦ فرص للفريق ودة رقم مهم جدا منهم ٣ فرص محققه على الأقل خصوصا للشحات واجاي وعمل ٦ مراوغات ودة الأهلي محتاجه
أخبار الأهلي : تطور مستوي ياسر إبراهيم وراحه مطلوب لمعلول
أخبار الأهلي : ياسر ابراهيم بيقدم مردود فني افضل بكتير من البداية المنتظره له ،
اللاعب مثالي في الفوز بالكرات الثنائية واستخلاص الكرة والتغطيه والتوقع اللاعب فاز بالكرة ١٢ مرة .
اجادة بناء الهجمة سواء على الارض بدقة تمرير وصلت ل ٩٨ ٪ في الكرات الارضية و ٤
كرات طولية منهم ٣ صحيحية ودي ارقام مبهره في التدرج بالكرة. لو ربيعة لعب جنبه ممكن نشوف ثنائي مرعب
أخبار الأهلي : عودة ازارو هتكون مهمة جدا لان اجاي من ساعه ما رجع من الاصابه
معملش rotation ودة مش طبيعي اجاي مرهق ذهنيا قبل بدنيا لتاني مباراة هو اكتر
لاعب في الأهلي بيفقد الكرة انهاردة ٧ مرات واهدر هدفين ، لابد من منح علي معلول راحه أمام الداخلية لان صعب اللاعب يتحمل كل دقائق اللعب دي
محمد فارس