أخبار الأهلي : خناقة ساخنة على الهواء بسبب قناة الأهلي.. وحارس الزمالك يصدم جماهير الأبيض

أخبار الأهلي : نشبت مشادة قوية بين رضا عبدالعال نجم الزمالك السابق، وشادي محمد قائد النادي الأهلي السابق، خلال حلقة رفقة إسلام صادق ببرنامج «البريمو»، فيما نجح الأخير في تهدئة الأمور وإنهاء الخلاف بين اللاعبين السابقين قبل أن يتفاقم.

وقال «عبدالعال» لـ «شادي»: «مينفعش تزعل منك جمهور الزمالك ده برنامج الغلابة، بنتكلم عن الجميع، وكلامك عن الأهلي تقوله في قناة النادي الأهلي، وغيرك يقوله في قناة نادي الزمالك».

ورد شادي محمد: «حضرتك متوجهليش وتقولي أقول إيه ومقولش إيه، حضرتك مش صاحب قرار أنت زيك زيي في القناة شغال عادي».

في المقابل رد رضا عبدالعال على لاعب الاهلي السابق قائلا: «لا أقولك تعمل إيه وأوجهك وأنا صاحب قرار، وبكرة أعرفك الكلام ده، أنت فين في الأهلي بعد التطبيل كل ده، وجيت اشتغلت في القناة هنا ليه، لو أنت دكر روح قناة النادي الأهلي».

ورد شادي محمد: «أنا حر ومش شغلتك تعال أوريك على التليفون فيه إيه».

ورد عبدالعال: «طول ما الكابتن محمود الخطيب في النادي الأهلي أنت مش هتدخله»، فيما رد شادي محمد قائلا: «أنا مضيت مع حد في القناة، وقالي معاك واحد اتنين تلاتة، وكابتن فاروق مقدم أول مرة أشوف موظف بيقولي كده، أنت بتوقع البرنامج بكلامك ده»، مواصلا «لو هتحسب بالأرقام حضرتك من سنة في البرنامج، أنا خلال الفترة بتاعتي فيديوهاتي على اليوتيوب أضعافك 3 مرات».

أخبار الأهلي : أوسه : لو عاد بى الزمن سأنضم للأهلي

كشف محمد عبد المنصف حارس الزمالك السابق ودجله الحالي أن الزمن لو عاد به سينتقل للأهلي .

وقال أوشه فى قناة ” أون تايم سبورت” ” “الأهلي عرض عليا الانضمام 5 مرات ولو كنت رحت الأهلى كنت هكون حارس المنتخب الأول آخر 15 عاما لو أديت نصف المستوى ده، ولو رجع بيا الزمن كنت هنضم، والدليل الشناوى عمل تاريخ كبير ولعب كأس عالم وهيلعب أولمبياد كمان اللى هي أعلى حاجة، رغم أنى زملكاوي بس دا احتراف، وهشجع الأهلى في أفريقيا طالما الزمالك خرج”.