أخبار الأهلي : عبد الحفيظ عن تصريحات هاشم : أى هبد وخلاص
ورد «عبدالحفيظ» خلال ظهوره ببرنامج «لقاء خاص» والذي يقدمه الإعلامي إسلام الشاطر: «ده راجل مش عارف بيحلم ولا بيتكلم إزاي، ومع احترامي للجهة اللي بينتمي ليها مينفعش تقول حاجة على لساني أنا مقلتهاش، يا إما واحد بيضحك عليك، أنت شايف علاقتنا رائعة بلجنة الحكام عشان أعرف أقول لوجيه أحمد كده؟ أي هبد وخلاص، نحترم كل الناس مذكرتش اسمه في أي حتة مش عارف هو جابه منين الكلام ده؟ يعني أنا قعدت مع حد وقلتله أنا ضميري بيوجعني أوي ومش من حقه يتكلم على حاجة تخصني لازم يعرف الحقيقة».
سيد عبدالحفيظ : من يشكك في الأهلي كاره لنفسه أو مغرض
وعن من يهاجم الأهلي ويشكك في القلعة الحمراء دائمًا رد سيد عبدالحفيظ قائلًا: «الرد على الناس بالعقل وأخذ الحق بأسس النادي وقيم النادي دائما، اللي بيشكك في الأهلي يا إما واحد مغرض وكاره لنفسه اللي عنده حق هيقول الحقيقة عننا، قلنا رأينا في اجتماع الأندية مع المنظومة وفي المصلحة العامة حتى لو كانت علينا».
