كشفت المطربة هدى تفاصيل تجربتها الغنائية الجديدة التي تحمل اسم “أنا الديناميت”، مؤكدة أن الأغنية تمثل لونًا مختلفًا وجديدًا عليها، سواء من حيث الكلمات أو اللحن، مشيرة إلى أنها ترددت في البداية بسبب جرأة الكلمات، قبل أن يقنعها فريق العمل بخوض التجربة ومواكبة طبيعة العصر وتقديم ألوان موسيقية متنوعة.
اقرأ أيضا: من النووي إلى مضيق هرمز.. جاستن توماس يكشف ارتباك استراتيجية ترامب في حرب إيران
وقالت هدى في تصريح خاص لـ«وشوشة»: «أنا مش حاطة أي رهان، أنا بعمل اللي عليا والتوفيق من عند ربنا، هي مجرد أغنية عجبتني، لكنها جريئة شوية في كلامها، وأنا أول مرة أغني جرأة بالشكل ده، وهي مجارية للعصر والمود اللي إحنا عايشينه، لكن مش أكتر».
وأضافت: «الأغنية من أولها لآخرها جديدة عليا، وشكلها مختلف عن الحاجات اللي قدمتها قبل كده، ولما سمعتها في البداية عجبتني جدًا، لكن كنت خايفة أنفذها، ولولا الملحن ومدير أعمالي والمؤلف اللي أقنعوني بيها، ممكن ما كنتش خضت التجربة».
وتابعت هدى: «هما قالولي لازم التغيير، ولازم التجديد، وما نخافش، ولازم نجاري العصر ونكلم كل الفئات، سواء الناس من سننا أو الشباب الأصغر، وبصراحة هما كان عندهم حق».
وأوضحت أن أكثر ما كان يشغلها هو ألا تتضمن الأغنية أي كلمات مبتذلة، قائلة: «قعدت أسمع الأغنية كذا مرة، ومع كلامهم إن مفيهاش أي حاجة مبتذلة، ركزت فيها أكتر، ولقيتها فعلًا كويسة، ولما قارنتها بأغاني كتير حواليا، لقيت إن الأغنية مفيهاش حاجة مبتذلة، وده كان أهم شيء بالنسبة لي».
وعن دور فريق العمل في مساعدة المطرب على خوض تجارب جديدة، قالت: «ساعات المطرب لما بيسمع أغنية بيخاف منها أو يقول دي مش شبهي، والمطرب بيبقى عنده اختيارات معينة، لكن ممكن يكون حواليه جروب يساعده في التفكير ويقول له جرب الأغنية دي، أو اللحن ده جديد عليك، فجميعنا محتاجين ده».
واستطردت: «ممكن المطرب يغني حاجة جديدة عليه ومتبقاش هي اللي اختارها، ممكن مدير أعماله أو التيم اللي حواليه يختاروا له حاجة هو مش متعود عليها، وبالتالي لازم المطرب يجدد في الكلام واللحن ويقدم ألوان مختلفة».
وأكدت هدى أن هذا تحديدًا كان سبب ترددها في البداية، موضحة: «كل خوفي كان إن الأغنية جديدة عليا، وطريقة اللحن والكلام جديدة عليا، وفيها جمل وطريقة أداء أنا مش متعودة أقولها، لكن لما جترأت عليها واقتنعت بكلامهم، حسيت إن لازم أجاري الجو وأخاطب فئات وأعمار معينة».
اقرأ أيضا: بعد تطوير سور مجرى العيون.. السيدة عائشة تتزين بإطلالة حضارية مبهرة
واختتمت حديثها بالتأكيد على أن التجديد أصبح ضرورة فنية بالنسبة لها، قائلة: «مطلوب إني أغير وأجدد وأقدم ألوان كتير، والأغنية الجاية هتكون لون مختلف تمامًا وبعيد تمامًا عن الشعبي».
تفاصيل أغنية أنا الديناميت
وتأتي أغنية هدى الجديدة من كلمات وليد رياض، وألحان منعم، وتوزيع بلوكا، بينما تولى محمد جودة مهمة الميكس والماستر، فيما تتولى شركة «نيو ستار» إنتاج العمل، ويشارك أحمد حسين كمدير للتصوير، بينما يتولى كامبا مهمة إخراج الكليب، Digital Marketing : Macula Egypt
Marking Director : Michael Maher
حيث جاء ذلك في تجربة تراهن من خلالها هدى على تقديم لون مختلف ومواكبة التطور في شكل الأغنية الشعبية.
اقرأ أيضا: بسبب معاكسة الفتيات.. كشف ملابسات فيديو مشاجرة بالأسلحة البيضاء في الإسكندرية
