كشف الشاعر خالد تاج الدين عن سبب عدم تعاونه مع النجم عمرو دياب في ألبومه الأخير “حبيتك”، والذى طرحه منذ أسابيع قليلة، حيث قال في مداخلة هاتفية لتليفزيون اليوم السابع: “عدم تعاونى مع الهضبة عمرو دياب خلال الفترة الأخيرة، هو ظروف أكتر.. وكسل منى أكتر.. زمان أنا كان عندى خُلق”.
اقرأ أيضا: اعترافات “دجال كرموز”: أنشأت صفحة على الفيس لفك الأعمال وجلب الرزق
وأضاف تاج الدين لتليفزيون اليوم السابع قائلا: “كمان عمرو دياب كان يضغط عليا فى الشغل، وأنا أقوله حاضر مرة واتنين وتلاتة وأسمعه بدل الغنوة الواحدة أغانى كتير.. إنما دلوقتى أنا مشاريعى كتير وبصراحة عندى مشاريع أخرى تانية.. لما بيحصل نصيب في حاجة ماشى.. لو ماحصلش نصيب خلاص مش مشكلة، إحنا كدة كدة أصحاب، وكسرنا الدنيا مع بعض كتير”.
وتابع تاج الدين حديثه لتليفزيون اليوم السابع قائلا: “آخر حاجة أصلا، أغنية “وأنا معاك” كانت 2021.. يعنى بقالنا حوالى 5 أو 6 سنين.. والسنة دى كنا قريبين على فكرة، عايز أقولك كان مخلص حاجات ومنفذها بالفعل خلاص.. بس ما حصلش نصيب، غالبا حذف بتاع 10 أغانى فى اللحظات الأخيرة”.
اقرأ أيضا: الزمالك يرفع شعار التركيز قبل مواجهة الاتحاد السكندري.. ومحمد إبراهيم يعود للتدريبات الجماعية
وأضاف تاج الدين في تصريحاته قائلا: “الشعراء الجداد بيكونوا مستنيين على نار.. وبمناسبة كرة القدم، فيه أغنية كنا عاملينها بتاعت الفرحة الليلة، كنت أنا وعمرو دياب وعمرو مصطفى، والحمد لله عايشة بقالها فترة كبيرة”.
يذكر أن الشاعر خالد تاج الدين كتب 20 أغنية للهضبة عمرو دياب على مدار ما يقرب من ربع قرن، منها أغانى “ليلى نهارى”، و”قصاد عينى”، و”وماله”، “حلوة البدايات”.
