أسما شريف منير تكشف حيلتها للتغلب على حرارة الصيف مع الحجاب

تحدثت أسما شريف منير عن معاناتها مع ارتفاع درجات الحرارة خلال الفترة الحالية، بالتزامن مع ارتدائها الحجاب، كاشفة عن الحيلة التي تستخدمها للتخفيف من وطأة الحرارة.

أسما شريف منير والمروحة المتحركة

ونشرت أسما شريف منير فيديو عبر حسابها الشخصي على موقع تبادل الصور والفيديوهات «إنستجرام»، ظهرت خلاله وهي تستخدم المروحة المتحركة، وعلقت قائلة: «كلنا حرانين، أجمّدي ولا يهزك».

أسما شريف منير تعلن ارتداء الحجاب

وكانت أسما شريف منير أعلنت ارتداء الحجاب في سبتمبر 2025، مؤكدة وقتها أن القرار جاء عن قناعة شخصية، ووصفته بأنه «قرار من القلب» و«عهد بيني وبين ربنا»، كما طلبت من متابعيها الدعاء لها بالثبات.

أسما شريف منير: ارتداء الحجاب أمان وليس قيدا

سبق وتحدثت أسما شريف منير عن الحجاب معلقة: «شوفت بعيني جوزي وهو بيحس إنه لازم يحميني، بيتقلب قلبه لو راجل بصلي بنظرة مش كويسة، بيحس إنه لازم يصد عني أي أذى. وكبرت وأنا بسمع أبويا بيحكيلي إزاي أصون جسمي، إزاي كأب ممكن يضحي بنفسه علشان يحافظ عليا».

اقرأ أيضا: أسعار العملات اليوم.. الدولار دون الـ51 جنيها واليورو يتراجع والدينار الكويتي يواصل الصدارة

وأضافت أسما شريف منير: «طب لو دي مشاعر جوزي وأبويا… أمال ربنا، اللي خلقني وبيحبني أضعافهم كلهم، هيعمل إيه علشان يحميني من شياطين الإنس والجن؟ ربنا ببساطة قاللي: غطي نفسك، مش علشان يخنقني ولا يضيق عليا، بالعكس… علشان يكرّمني، يصون قلبي قبل جسمي، ويحميني من نظرات ممكن تجرحني أو تكسّرني».

واختتمت قائلة: «الحجاب مش قيد، الحجاب أمان، الحجاب مش منع، الحجاب ستر وكرامة، هو ده حب ربنا… حب بيحميني من اللي مش شايفين قيمتي».