كزبرة: فيلم «محمود التاني» كان تحديا كبيرا بعد نجاح الحريفة 2

احتفل الفنان أحمد بحر، الشهير بـ«كزبرة»، أمس، بالعرض الخاص لفيلمه الجديد «محمود التاني»، وسط حضور عدد من الفنانين والصحفيين.

وكشف كزبرة عن تفاصيل مشاركته في فيلم «محمود التاني»، خلال تصريحات خاصة لـ«الوطن»، موضحًا أن العمل يمثل تحديًا جديدًا له ولصناع الفيلم، خاصة بعد النجاح الذي حققه الجزء الثاني من فيلم «الحريفة».

وقال كزبرة: «التحدي إن إحنا بعد الحريفة 2 فيه توقعات كتير، والناس بتسأل إيه اللي هنرجع بيه، وعلشان كده قعدنا الفترة دي كلها علشان نقدم فكرة جديدة عن الحريقة».

دعم الليثي لفريق عمل فيلم محمود التاني

وأشاد كزبرة بدعم الفنان محمود الليثي لفريق عمل الفيلم، قائلًا: «الليثي نجم كبير عم المجال كله، وأنا بحبه أوي، وهو اتبسط إن الفيلم على اسمه، فعملنا فيديو وكان بيدعمنا ويقف جنبنا».

كما علق كزبرة على موقف محمود الليثي الأخير ودعمه للفنانة شيرين عبدالوهاب خلال حفلها، قائلًا: «وقفته جنب شيرين جميلة، وشيرين نجمة، مفيش حد ما بيحبهاش، طول عمرها نجمة وجميلة وإحساسها عالي وأي حاجة شيرين تعوزها مصر كلها عنينا ليها».