كشف مصدر مطلع مساء اليوم الإثنين عن تأجيل جلسة النظر في الشكوى المقدمة من أحمد سيد زيزو، لاعب الزمالك السابق، ضد ناديه السابق، وذلك بعد طلب رسمي من إدارة القلعة البيضاء.
الزمالك يحصل على مهلة حتى 11 أغسطس
وأفاد مصدر مسؤول داخل نادي الزمالك في تصريحات لـ”تليجراف مصر” أن لجنة النزاعات قررت تأجيل مناقشة الشكوى حتى يوم 11 أغسطس المقبل، بناءً على طلب النادي الأبيض، الذي طالب بالحصول على مهلة إضافية للرد على الاتهامات المتعلقة بمستحقات زيزو المتأخرة.
الزمالك يطلب مهلة للرد بعد استلام الشكوى
وأوضح المصدر أن السبب الرئيسي وراء تأجيل الجلسة يرجع إلى أن الزمالك لم يكن قد استلم صورة رسمية من الشكوى المقدمة من اللاعب، وهو ما دفع الإدارة للتقدم بطلب تأجيل لحين الاطلاع على الملف الكامل والرد بشكل قانوني ورسمي.
زيزو والجماهير
في سياق متصل، وجّه أحمد سيد “زيزو”، لاعب النادي الأهلي، رسالة إلى الجماهير عبر حساباته على وسائل التواصل الاجتماعي، في أول تعليق له بعد موجة الانتقادات والهجوم الذي تعرض له خلال الأيام الماضية.
وتحدّث زيزو بشكل عام دون الدخول في تفاصيل، مؤكدًا احترامه للجميع، أمام بعض التجاوزات التي لا تعبّر عن الروح الحقيقية للجمهور، الذي يكنّ له كل التقدير.
وقال زيزو عبر “إنستجرام”: “السؤال الوحيد والأوحد اللي مش عايز يطلع من دماغي ونفسي ألاقى ليه إجابة هو بجد لما حد يخوض في عرض الناس ويقعد يشتّم فيهم ويسب ويتنمر، دا بيعود ولا بيرجع عليه بإيه! هل بيروح البيت بيلاقي بيته اتغير، طيب بيبص تحت بيته بيلاقي العربية اللي نفسه يجبها”.
زيزو ينتقد الجماهير
وأضاف: “طيب ولاده وصلوا للمكانة اللي بيتمناها؟ طيب عيش أبوه وأمه في حاجة يستحقوها؟، مش قادر أستوعب فعلًا الموضوع، بلا شك، هل اللي بتخوض في عرضه دا وبتشتّمه وبتتنمر عليه بيصحى بعد شتيمتك دي مش شغال نفس الشغلانة؟ معندوش نفس البيت؟ طب والعربية؟ حياتكو يعني اتغيرت؟ الإجابة لا”.
وأشار: “طيب ليه بتعمل كده، عمال تكبر وتكثر في ذنوب الله أعلم هتعرف تمسحهم ولا لا ومفيش حاجة على أرض الواقع بتتغير بعد الشتيمة دي كلها!! مش بتشوف كل الناس اللي فجأه مبقوش حوالك؟ دي مش حاجة تخليك تتعظ! تخليك تفكر أنا بعمل كده ليه و عشان إيه فكر كويس عشان والله ما في حاجة مستاهلة، أعرف إن رزقك كده ربنا كاتبه لك وإنت بتختار الطريقة اللي بيجيلك بيها الرزق فخليها دايما طريقتك كويسة وفكر دايما إنها مش دايمة، صباحكم جميل”.