أعرب الفنان الشاب آدم الشرقاوي عن امتنانه الكبير للتفاعل الإيجابي من الجمهور، وذلك بعد كشفه تفاصيل معاناته مع أزمات صحية مر بها خلال العامين الماضيين، وأكد أن دعم الجمهور وتعاطفهم شكّل مصدر قوة له في تجاوز هذه المرحلة الصعبة.
آدم الشرقاوي: “مصر أدّتني كتير”
ونشر آدم الشرقاوي عبر حسابه الرسمي بموقع “إنستجرام”، مجموعة من الصور تجمعه مع العديد من الفنانين، ومن أبرزهم الفنانة منى ذكي والفنانة يسرا.
وكتب: “شكرًا لكل الناس اللي تواصلوا معايا والردود الرهيبة، وشكرًا للصحافة، للناس، ولكل اللي أونلاين، شكرًا، هابقى أبطل أكون حساس، وغريب بعد البوست ده”.
وأضاف آدم: “وأنا مختفي جاتلي رسايل كتير بتقول إني مش بشتغل في مصر عشان بفضّل أشتغل في أمريكا.. ومصر أديتني كتير أوي، وبابا كان دايمًا يقولي إن مصر مفيش زيها مكان، وهو وماما كانوا دايمًا يشجعوني إني أهتم بالثقافة، بس كنت صغير وغبي”.
وتابع: “اشتغلت في مصر مع أحسن ممثلين ومخرجين، والناس رحبوا بيا بجد. رغم إني عشت معظم حياتي في أمريكا (ألوم أهلي)، بعد لعبة نيوتن حسيت إني مرغوب فيه ومقبول، كأني ما سبتش مصر أبدًا”.
وزاد آدم: “الناس المصريين سمحولي أشتغل على مشاريع كتير وبنيت نفسي، رغم إن لغتي العربية مش أحسن حاجة، ورغم إني مش فاهم الثقافة كويس، ورغم إني كنت حاسس إني مش دايمًا أستاهل، إنتوا دايمًا دعمتوني وقبلتوني، شكرًا يا مصر”.
تفاصيل إصابة آدم الشرقاوي
يذكر أن الفنان آدم الشرقاوي كتب منشورًا في الأيام الماضية، عبر حسابه الشخصي على منصة “فيسبوك” : “كان ليا فترة طويلة ما نزّلت بوستات، بس كنت محتاج أخد بريك، من سنتين كنت تعبان جدًا، كنت قريب من 110 كيلو (250 رطل)، ما كنتش قادر أتنفس كويس”.
وواصل: “عندي ضباب في الدماغ لدرجة إني ما كنتش فاكر أيامي بوضوح، آلام في المفاصل لدرجة إني ما كنتش قادر أقف كتير، والأسوأ إني كنت عندي جلطات دم في رجلي، وجسمي كله كان منتفخ بسبب مشاكل في الكلى”.
وأضاف الشرقاوي: “كنت بكره كل حاجة في نفسي، وما كنتش بعرف نفسي خالص لما أبص في المراية.. دلوقتي أقدر أقول إني أصحّ من أي وقت فات، رجعت لوزني الطبيعي 80 كيلو (180 رطل)، بحس إني رياضي أكتر من أي وقت، موجود جدًا في اللحظة (مافيش ضباب دماغ)، وكل أعضائي شغالة تمام”.
واختتم آدم الشرقاوي: “حتى لما كنت عندي مشاكل صحية، ربنا تفضل عليّ بفرص كتير، ولما حسيت إني صحتي اتحسّنت، استغليت الفرص دي.. أنا شاكر لحياتي ولكل تحدي واجهته، بشكر ربنا إنه خلاني أمر بالتجربة دي عشان دلوقتي عندي نظرة جديدة للحياة وحاسس إني مش ممكن أتحطّم. شكرًا لكل الناس اللي بتدعمني”.
من هو آدم الشرقاوي؟
يُدعى محمود خالد الشرقاوي، وولد في 23 يوليو عام 1994 بمحافظة كفر الشيخ، لكنه نشأ في ولاية كاليفورنيا بالولايات المتحدة الأمريكية، عندما كان في سن الرابعة من عمره، كما اأنه يحمل الجنسية الأمريكية.