أخبار الأهلي: تعليق ناري من مرتضى منصور بعد فوز الأهلي على فاركو

أخبار الأهلي: فتح المستشار مرتضى منصور، رئيس نادي الزمالك النار على طارق مجدي، حكم مباراة الفريق الأول لكرة القدم بالنادي الأهلي مع فاركو.

وقال مرتضى منصور، في تصريحات تليفزيونية عبر فضائية «الزمالك»: «الزمالك بيكسب بمجهوده، اللي عمله طارق مجدي في مباراة الأهلي يفوق الوصف، الأهلي لديه لاعبون مميزون ومش محتاج حد يساعده عشان يكسب».

وأضاف: «أنت حسبت 6 دقائق وقتا بدل ضائع بتزود دقيقة ونصف من عندك ليه؟، لحد ما الأهلي يحرز هدف، التحكيم مش هيمشي كده».

وتابع: «مين بيحط الحكام؟ طارق مجدي بيحب الأهلي أكتر من سيد عبدالحفيظ وعنده مصايب سودة كتير، لحد إمتى هنقعد نجامل الأهلي، مش ممكن كل المباريات مجاملة للأهلي!».

وأردف: «مفروض أنت قاضي في الملعب، اللي بتعمله غلط، أنا حسبت 6 دقايق وقتا بدل ضائع، ثم أضفت دقيقة ونصف، ده ياما ضربات ركنية في الدقيقة الأخيرة الحكم يرفض لعبها، حتى لا يحدث مشاكل، وإنما طارق مجدي مستني الأهلي يسجل هدف».