أخبار الأهلي: كهربا يتحدث عن الغيرة مع رمضان صبحي.. وموقفه من البقاء في الأهلي

أخبار الأهلي: كشف محمود عبدالمنعم كهربا لاعب الفريق الأول لكرة القدم بالنادي الأهلي، حقيقة المشاجرة التي حدثت بينه ونجل إعلامي شهير في أحد الديسكوهات.

وقال كهربا ردا على السؤال خلال حلوله ضيفاً في برنامج “العرافة” المذاع عبر قناة المحور وتقدمه الإعلامية بسمة وهبة: “مبسهرش أصلا في ديسكوهات.. اللي حصل أني كنت في مطعم هندي بتعشى وخارج، فحصلت مشكلة مع أصحابي فأنا كنت بحوش بينهم لأن كان فيه ضرب جامد، فالناس قالوا كهربا اللي بيتخانق، روحت وتاني يوم الإعلام ماشاء الله بقى قالك ده كهربا اتخانق في ديسكو”.

وأوضح:” رجعت الأهلي مش طمعان في فلوس أو نجومية أنا رجعت طمعان أرجع بيتي وألبس تي شيرت النادي، لو طمعان في فلوس كنت روحت بيراميدز”.

وتابع:” طلبت في الأهلي 20 مليون وبعدين العقد جه قدامي ووقعت على بياض والأهلي حط الرقم اللي هو عايزه”.

وأكمل:” أغير من رمضان صبحي؟ عمري في حياتي ما غيرت من حد لأني عارف قدر نفسي، أنا لبست رقم 7 لأني بحبه، لاعب مشي من النادي لبست الرقم بتاعه أنا مالي؟”.

‏ وأردف:”أنا في الأهلي لحد دلوقتي مخدتش فرصتي، ممكن تقصير مني، أما بلعب أرقامي بتقول إني بلعب كويس مستني أخد فرصة بشكل أكبر”.

وأستطرد:”الشيطان وسوسلي إني كنت نجم في الزمالك؟ أوقات بس أنا ضحيت بحاجات كتير عشان أرجع الأهلي وأفضل فيه طول عمري”.

وردا على سؤال  أنا أحسن لاعب في الأهلي؟ قال:” أنا أحسن لاعب في مصر لو خدت الفرصة هثبت ده للكل”.

وأتم:”موسيماني لا يكرهني بل يحبني جدا، مشاركتي قرار فني فقط، لاعب الكرة لو  للم يشعر بالحزن لعدم مشاركته ليس لاعبا يريد النجاح”.

اترك تعليق

لن يتم نشر عنوان بريدك الإلكتروني

Ads Blocker Image Powered by Code Help Pro

تم اكتشاف مانع الإعلانات !!!

لقد اكتشفنا أنك تستخدم ملحقات لمنع الإعلانات. يرجى دعمنا عن طريق تعطيل مانع الإعلانات.

Powered By
100% Free SEO Tools - Tool Kits PRO