أخبار الأهلي : حسام عاشور يهاجم مجلس الأهلي من جديد

أخبار الأهلي : فتح حسام عاشور، قائد فريق الأهلي السابق، النار على مجلس إدارة القلعة
الحمراء، مشيرًا إلى أنه تعرض لظلم كبير خلال الفترة الماضية.
 
وقال عاشور: “الناس عارفة قيمة حسام عاشور مفيش حد “سمعلي حسّ” طول 16 سنة في
النادي، لكن ممكن الناس تسأل أي حد لما حسام كان بيتطلب منه التجديد.. كان بيجدد علي
بياض كل مرة ازاي، انا واخد 36 بطولة، ناقصلي 5 بطولات وابقي اكتر واحد في العالم واخد
بطولات”.
 

أخبار الأهلي: تركي آل الشيخ يحب الأهلي أكتر من مسئولين في النادي

 
وأضاف:” طلبت من كابتن سيد عبد الحفيظ التجديد لسنتين كابتن سيد قالي خلاص هكلم
الخطيب بعدها علي طول قالي الخطيب قالي قول لـ عاشور “اللي حسام عايزه
هنعملهوله” وربنا يشهد علي كده، بعدها رحت أقعد مع لجنة التخطيط فوجئت بإنهم
بيقولولي “فايلر مش عايزك”
 
وواصل: “جمال جبر قالي المستشار ترك هيعملك ماتش الاعتزال فبعدها كلمني شخص من
طرف المستشار ترك قالي “طلباتك أوامر”، بعدها اتكلمت مع المستشار برضه وقالي
هعملك مهرجان اعتزال عالمي وهعملك ماتش اعتزال محدش عمله في مصر ولا في
العالم”.
 
وأكمل:” مازلت قادر علي العطاء، لكن البعض لا يرغب في استمراري مع الأهلي،
والمستشار تركي آل الشيخ بيحب الأهلي أكتر بكتير من ناس في النادي نفسه”.
 
وواصل: “فعلت “إعجاز” بعدم التسبب في مشكلة واحدة مع الأهلي خلال 16 عام، وكان من
المُخطط أن تُقام مباراة اعتزالي بين الأهلي وألميريا الإسباني”.
 
وأكمل: “اتفقت مع جمال جبر إني هنزل فيديو أعلن فيه اعتزالي وأشكر كل الناس بعدين
قعدت أعمل كل شوية فيديو وابعته للنادي يقولولي “لا فيه مشكلة هنا” واعدّل عليه كل
شوية، بعد ما جبت آخري قلت لأستاذ جمال ابعتلي سكريبت وانا هقول كل اللي انت عايزه”.

اترك تعليق

لن يتم نشر عنوان بريدك الإلكتروني

تعليق
  1. احمد سيف يقول

    والله اكتر لاعب محظوظ في تاريخ الكورة المصرية سبحان الله لو كنت بتلعب في اي نادي تاني كان زمانك بتلعب في نادي درجة تانية بس هيا الدنيا حضوظ اسكت واحمد ربنا في تاريخك جونين تلاتة ولعبك كله كان سلبي

  2. Moda يقول

    للأسف تم استخدامك ضد ناديك… تحدثت في الوقت الخاطئ.. الأهلي أعطاك كثيرا ولم تكن تحلم حينها بما وصلت له.. عفوا انك لاعب بلا تاريخ دولي.. ولكن اكتسبت قيمتك من الكيان.. وللأسف استخدمت ضد الكيان وانت تعرف حيثيات وملابسات حول الشخصيات التي تدافع عنهم وتعرف حساسيه الجماهير التي تتحدث عنها مع هذه الشخصيات!! الا تعرف انها سنه الحياه!!! ألم تعترف بفقدك مميزاتك السابقه.. هل تخالف الزمن.. إذا لم تجد ما يعجبك اخرج وكمل في مكان آخر بمصر أو خارجها.. ولكن كنت انت أداه للانتقام من الكيان.. طوعت نفسك لشخص مع انك تملك موهبتك أن صح وجودها!! استمر ولا تخجل.. شفي الله من كان السبب

  3. الجماهير يقول

    الكداب والخسيس أنت عملت فى الأهلى بملايين الملايين ورغم عدم كفاتك كان لك مكان علشان مطيع ولكنك ما كنتش فلتة عصرك كان زمانك أساسى فى المنتخب وانت فى اخر موسمين كنت كثير الإصابات ومش اساسى والخطيب اللى بتتهمه ده قدم لك مالم يقدم له ولا للاساطير بركات ولا جمعه ولا تريكه ولاأى حد ولكنك الشيطان غاواك وانسقت وراء الكارهين وغلطت فى النادى وإدارته واحنا مش عاوزينك روح اى حته تعجبك روح الزريبة ولا ضحكوا عليك كان المخبول والشوال معشمينك باللعب للزريبة سنتان وستكون كابتن الفريق وحيتعمل ماتش اعتزال عالمى وده كان اول مزليق الشيطان فتمردت وهاجمت كما خططوا لك ولكنك بالنسبة لنا صفر صفر صفر