الأهلي اليوم : الحضري يعلق على رحيل فتحي والسعيد لبيراميدز..ولماذا وصفه جوزيه بـ”الخائن”

الأهلي اليوم : رد عصام الحضري، حارس مرمى المنتخب الأسبق، على سؤال طرحته عليه الإعلامية إيناس الدغيدي، بشأن ما قاله مانويل جوزيه المدير الفني السابق للنادي الأهلي عندما وصف الحضري بالكاذب والخائن.

وقال الحضري، خلال استضافته في الحلقة الأولى من برنامج “شيخ الحارة والجريئة”، عبر شاشة “القاهرة والناس”، تقديم المخرجة والإعلامية إيناس الدغيدي”: “أنا بحترم جوزيه كمدير فني وشخصية كاريزيمة، وحقق بطولات للنادي الأهلي، ومفيش حد فينا كامل، وهو قال إن الحضري مشي من غير ميقولي ولا يقول لرئيس النادي مع إني مشيت بسببه هو ورئيس النادي”.

وأضاف: “كان أمنية حياتي إني أحترف وكان جايلي عرض وقالي لو عايز تمشي هات نادي وأمشي، وجبت نادي ومشيت وفي الفترة دي كان فيه مشاكل كتيرة، وسحبوا مني شارة الكابتن، وجابوا نادر السيد وقعدوني احتياطي”.

واستطرد: “اتجه جوزيه في البداية إنه يضايقني لكن أنا حبيت إني احتراما للأهلي وشغلي إني اجتهد لحد ميجيلي عرض، وبعدين رجعت الأهلي وحاول المرة التانية إني مكنش موجود وأما لقيت إنه قفل الباب في وشي مع رئيس النادي لأنهم كانوا متفقين مع بعض أما أرجع ميبقاش ليا مكان، رغم إني اتعاقبت واتحقق معايا واتوقفت 3 أسابيع واتخصم فلوس وتقبلت الموقف”.

الأهلي اليوم : الحضري عن انتقال فتحي والسعيد لبيراميدز : الإنتماء مبيعترفش غير بالفلوس

وعلق عصام الحضري، حارس مرمى المنتخب الأسبق، على انتقال أحمد فتحي وعبدالله سعيد، إلى صفوف نادي بيراميدز، بعد قضاء سنوات طويلة ضمن صفوف النادي الأهلي.

وقال الحضري، “الكرة دلوقتي مبتعرفش إلا بالاحتراف، وفي ناس بتفكر إنها تقعد في الأهلي”.

ووجهت إيناس الدغيدي، سؤالًا إلى الحضري، قالت فيه: “انتقال فتحي والسعيد من الأهلي بسبب المقابل المادي احتراف والانتماء مبيعترفش غير بالفلوس؟”.

وأجاب الحضري: “موافق، لأنهم فكروا في الماديات، لكن في فيديوهات للاعيبة تانية، قالوا والله ما هسيب النادي اللي إحنا فيه وبنلاقيهم النهاردة في أندية تانية”.

وتابع: “هو النادي كويس يبقى عنده لاعب وأكتر، بس ينفع يعتزل بمزاجك وتبقى وحشة إنه يروح نادي تاني؟! لأ”.