الأهلي نيوز : حسام عاشور السد المنيع في وسط الأهلي وأكتشاف جوزيه

الأهلي نيوز : حسام عاشور كابتن الأهلي ، سد عالي بيحجب رؤية جمعة وشادي وأحمد

السيد والحضري وأمير وإكرامي، ى اللاعب الأهم في تشكيلة جوزية،  مر عليه  عشرات

الإرتكازات ما بين حسن مصطفى وأكوتي وشوقي وغالي وبوجلبان وإينو وهو ثابت في

مكانه ، في أي محاضرة فنية قبل أي مباراة كان جوزيه بيخصصله فقرة لوحده عن دوره

في الملعب لإنه أهم لاعب في الملعب، جوزيه كان بيقول عاشور بيحسسني ان الكرة

سهلة جدا وان أنا العجوز أقدر ألبس شورت وألعبها، كان عبقري في امتصاص الكرة ولو

جياله مدفع هيمتصها ويوقفها بمنتهى اليسر

الأهلي نيوز : عاشور دائم التواجد في تشكيلة الأهلي

الأهلي نيوز : لو تم حصره  ه وسط ٤ هيقدر يحافظ على الكرة ويعمل دورانه ويفتح ملعب،

الباسينج جيم أتعمل عشانه، مفيش مباراة خرج منها إلا وهو تقريبا الأكثر استلاما

وتسليما، الهجمة كانت بتعدي عليه أكتر لاعب، موقع وباصم على كل محاولة، عاشور كان

الضمانة ان الكرة هتفضل معاك ولو عايز تلعب ٣١ كمان

الأهلي نيوز : كان بيتشاور عليه عشان يقتل نجم كل منافس، تعالى يا عاشور نسي

شيكابالا الكورة اللي هو ناسيها أساسا، تعالى يا عاشور حط النفطي في جيبك، تعالى يا

عاشور عمر جمال ميعديش، تعالى يا عاشور السعيد ميلمسهاش، تعالى يا عاشور

المساكني منسمعش اسمه، تعالى يا عاشور علم على السوبر هيرو لكل منافس

الأهلي نيوز : سر إنجازات ٢٠٠٥ شاور عليه أول واحد وده بشهادة جوزيه نفسه مدرب

هذا الجيل، وهو اللي كان سبب مباشر أن كل لاعب في الملعب يظهر بالشكل ده لان

في ظهره وإلى جواره حسام عاشور ،جميع هزائم الأهلي القارية من ٢٠٠٥ ل٢٠١٣ لم

يكن  فيها عاشور إلا مرة أو ٢، وده أثبت أن عدم وجوده في الملعب يعني هلاك لكل من

حوله، وده ترجم أرقامه اللي تخطت ال٥٠٠ مباراة ، وأكثر لاعب شارك في تاريخ الأهلي

محليا وقاريا وكسر كل الأرقام

الأهلي نيوز : عاشور يستحق التجديد ولموسمين عشان يوصل لرقم حسام حسن

ويصبح الأكثر تتويجا بالدوري، ويتخطى ألفيس ويصبح أكثر لاعب تتويجا بالبطولات في

التاريخ على مستوى العالم، وده إنجاز لينا قبله لأن جميع ألقابه بتيشرت واحد وهو الذي

لم يرتدي غيره طوال مسيرته الأسطورية ، كل عام وانت ملامس الذهب يا قطب الكرة

المصرية والافريقية الثاني

Mahmoud Ashraf